2019 جىلعى 26 قىركۇيەكتە جىلدىق كۋپوندىق كىرىستىلىگى 8،5% بولاتىن 70 ملرد تەڭگە سوماسىنداعى وبليگاسيالار اينالىمعا شىعارىلعان بولاتىن. باعالى قاعازدار ەكىنشى دەڭگەيلى بانكتەر، ساقتاندىرۋ كومپانيالارى، اكتيۆتەردى باسقارۋ قورلارى مەن بروكەرلىك ۇيىمدار اراسىندا ساتىلدى.
بۇل اعىمداعى قارجى جىلىنداعى ءتورتىنشى كۋپوندىق تولەم ەكەنىن ايتا كەتۋ كەرەك. ال قازاقستان قور بيرجاسىندا تىركەلگەن ساتتەن باستاپ قوق وتەگەن وبليگاسيالاردىڭ جالپى سوماسى 220 ملرد تەڭگەگە جەتتى.
قازىرگى ۋاقىتتا قوق پورتفەلى مەملەكەتتىك باعالى قاعازدار قورجىنىنا كىرەتىن ءبىر، ەكى، ءۇش، بەس، جەتى جانە ون جىلدىق وبليگاسيالاردان تۇرادى. قوق وبليگاسيالاردى «7-20-25» يپوتەكالىق باعدارلاماسىن قارجىلاندىرۋ ماقساتىندا شىعارادى.
قوق قازاقستان رەسپۋبليكاسى ۇلتتىق بانكىنىڭ ەنشىلەس ۇيىمى جانە «7-20-25» يپوتەكالىق باعدارلاماسىنىڭ وپەراتورى بولىپ تابىلادى.
