Otandyq mektepterdiń myńnan astam oqýshysy men ustazy aǵylshyn jáne frantsýz tilinen Respýblikalyq "EDU Stream Zhuldyzdary-2024" konkýrsyna qatysty. Sharany segiz jyldan beri uiymdastyryp kele jatqan Halyqaralyq EDU Stream til akademiiasy, orta bilimdegi shet tilin oqý kezindegi birneshe maqsatqa: aǵylshyn tili ustazdaryn yntalandyrýǵa jáne oqýshylarǵa XXI ǵasyrda qajet mashyq – 4K – kommýnikatsiia, kollaboratsiia, kreativ pen syni oilaý qabiletin qalyptastyrýǵa qol jetkizedi, dep habarlaidy Dalanews.kz.
Respýblikalyq "EDU Stream Zhuldyzdary" konkýrsyna jyl saiyn myńnan astam ótinim túsedi. Biyl da sonsha úmitker ishinen myńǵa jýyǵy irikteýden ótken. Bilim men shyǵarmashylyq toǵysqan saiystyń juldyzdary dástúrge sai birneshe kategoriiaǵa: bastaýysh synyptyń aǵylshyn tili ustazdary jáne aǵylshyn tili 5-9 synyp oqýshylary men aǵylshyn tili 10-11 synyp oqýshylary bolyp bólinedi. Aǵymdaǵy jyly sanat qataryn "frantsýz tili 5-8 synyp oqýshylary" tolyqtyryp, baiqaýǵa jańa reń berdi. Qazylar alqasy men uiymdastyrýshylardy tań qaldyrǵan ortańǵy synyp oqýshylary, gratsiia tilinde erkin ári ońai sóileitinderin pash etti. Atalǵan sanatta Bas júldeni Almaty q. № 25 mektep-gimnaziiasynyń 5 synyp oqýshysy Dalila Qarashasheva ielendi.
"Ánniń arqasynda men frantsýz tilin toǵyz jasymda unattym. Bul shet tiliniń qalai dybystalatyny, aitylý máneriniń ásemdigi meni qatty eliktiredi, sondyqtan mektepte frantsýz tilin qýana tańdadym. Beineroligimde ózimizdiń ulttyq dástúrimiz týraly baiandap berdim. Maǵan ustazym jáne frantsýz tilin úirenip júrgen sińlim qoldaý kórsetti. Beinerolikte biz ekeýimiz shaǵyn dialog qurdyq. Siýjettiń barlyq ideiasyn ózim oilastyrdym", – deidi týyndysy jaily aityp bergen jas juldyz Dalila Qarashasheva.
EDU Stream til akademiiasy Halyqaralyq Express Publishing baspasynyń Qazaqstandaǵy ekskliýzivti ókili bolyp tabylady. Baspanyń elimizdegi mektep ustazdary men oqýshylary arasynda osy konkýrsty jyl saiyn ótkizip turý usynysyn Oqý-aǵartý ministrliginiń Mektepke deiingi jáne orta bilim jónindegi komiteti qoldaǵan. "EDU Stream Zhuldyzdary" baiqaýynyń maqsaty – zamanaýi bilim júiesindegi ustazdar men joǵarǵy jáne ortańǵy býyn oqýshylarynyń mindetti saýattylyǵyn qalyptastyrý.
"Respýblikalyq "EDU Stream Zhuldyzdary" konkýrsyn segiz jyl boiy óz kúshimizben uiymdastyra otyryp biz sharanyń otandyq mektepter úshin qanshalyqty mańyzdy ári tiimdi ekenin kórip otyrmyz. Baiqaýdyń alǵashqy jylynda ótinim kóbinde Almaty men Astanadan kelse, odan keiingi jyldary aimaqtaǵy muǵalimder men oqýshylar da aǵylshynyn jaqsartyp, búginde belsendiler tiziminde, mysaly Qyzylorda, Qostanai jáne Soltústik-Qazaqstan oblystaryn atap ótýge bolady. Biz jái ǵana EDU Stream halyqaralyq til akademiiasy emespiz, biz óz ádiskerler laboratoriiasy bar álemdik sarapshylarmen aǵylshyn, frantsýz jáne orys tilderinen oqý-ádistemelik keshen ázirleitin eksperttermiz. Búginde kommýnikativtik qabilet adamnyń bolashaǵyna jáne ómir sapasyna yqpal etedi, al bizdiń konkýrstyń bereri de osy", – dep atap ótti Halyqaralyq EDU Stream til akademiiasynyń bas direktory Natalia Muhamedjanova.
EDU Stream juldyzdaryna arnalǵan baiqaýdyń ekinshi mańyzdy maqsaty – ustazdardyń innovatsiialyq pedagogikalyq tájiribesin anyqtaý men kórsetý jáne oqýshylardyń jeke tulǵa retinde ósýi men ózin-ózi pash etýine jaǵdai jasaý arqyly tildik quzyreti men shyǵarmashylyq áleýetin damytý. Nátije kórsetkendei: bastaýysh synyptaǵy aǵylshyn tili pániniń muǵalimderi kategoriiasyna qatysqandar shyǵarmashylyq ustanymy men oiyn arqyly bilim berýdi jetkizýmen qatar, padagog ómiriniń qyr-syryn asha tústi.
"EDU Stream Juldyzdary-2024" konkýrsyna qatysý men úshin on jyldyq pedagogikalyq qyzmetimniń bir qorytyndysy ispettes endi aldaǵy ýaqytta qai baǵytta jumys isteitinime oilandyrdy. Odan bólek, kamera aldynda sóileýge degen qorqynyshymdy jeńýge kómektesti jáne buryn-sońdy baiqamaǵan boiymdaǵy jańa qasietterimdi kórsetip berdi", – dep moiyndady Astana qalasy boiynsha bastaýysh synyptaǵy aǵylshyn tili pániniń muǵalimderi arasynda 1 oryn ielengen № 60 mektep-litseiiniń ustazy Taksimova Ainur.
"EDU Stream Juldyzdary" konkýrsynyń sharty qarapaiym jáne barlyǵy ashyq túrde júredi. Úmitkerler birinshi kezeńde on-line competition ótedi, bul baiqaý bedeline salmaq beredi. Qatysýshylar jazǵan essesimen qatar basqa da taqyrypta qazylar alqasymen dialog qurý arqyly shet tilinde aýyzsha sóileý deńgeiin pash etýi tiis. Ekinshi kezeńde konkýrstan úmitker Presentation Skills baǵalanatyn beinerolik jiberedi. EDU Stream juldyzdary maqsatqa jetip qana qoimai, mektep pen aimaq sheńberinen asyp, materialdarynyń mazmunyn tamasha oilastyrǵan.
"Beineroligime áleýmettik jeliniń adam ómirine áseri jaily taqyrypty tańdadym. Áleýmettik jeli men qumar oiynǵa táýeldilik bireýge zaman aǵymy bolyp kóriner, áitse de onyń ziian jaǵyn jetkizip, óz aqparatym arqyly qoǵamǵa paidamdy tigizgim keldi. Maǵan jetekshim jáne operator kómektesti. Beinematerialdy ázirleýge asqan jaýapkershilikpen qaradym, tipti keibir kórinisti birneshe ret túsirýge májbúr boldyq. Bas júlde alǵanymdy bilgende, qatty qýandym – eńbegimiz joǵary baǵalanǵanyna qýandym", - deidi aǵylshyn tili 10-11 synyp oqýshylary sanatyndaǵy jeńimpaz Qyzylorda q. № 271 mektebiniń 11 synyp oqýshysy Qaztai Arailym.
Sala úzdigi retinde áleýmettik jaýapkershiligin joǵary qoiatyn EDU Stream kompaniialar toby elimizdegi kóktemgi sý tasqyny saldarynan zardap shekken otandastarymyzdy qoldaý maqsatynda úlken saltanatty merekelerden bas tartý jóninde bastamany qoldap, Respýblikalyq «EDU Stream Juldyzdary-2024» konkýrsynyń jeńimpazdaryn marapattaý rásimin onlain ótkizdi. Uiymdastyrýshy únemdelgen qarjy esebinen baiqaýdyń kategoriiasyn kóbeitip, Astana men Qyzylorda oblysyn bólek atap ótti. Barlyq jeńimpazǵa Halyqaralyq EDU Stream til akademiiasynan baǵaly syilyq pen diplom tabystaldy.
