وتاندىق مەكتەپتەردٸڭ مىڭنان استام وقۋشىسى مەن ۇستازى اعىلشىن جەنە فرانتسۋز تٸلٸنەن رەسپۋبليكالىق "EDU Stream Zhuldyzdary-2024" كونكۋرسىنا قاتىستى. شارانى سەگٸز جىلدان بەرٸ ۇيىمداستىرىپ كەلە جاتقان حالىقارالىق EDU Stream تٸل اكادەميياسى, ورتا بٸلٸمدەگٸ شەت تٸلٸن وقۋ كەزٸندەگٸ بٸرنەشە ماقساتقا: اعىلشىن تٸلٸ ۇستازدارىن ىنتالاندىرۋعا جەنە وقۋشىلارعا XXI عاسىردا قاجەت ماشىق – 4K – كوممۋنيكاتسييا, كوللابوراتسييا, كرەاتيۆ پەن سىني ويلاۋ قابٸلەتٸن قالىپتاستىرۋعا قول جەتكٸزەدٸ, دەپ حابارلايدى Dalanews.kz.
رەسپۋبليكالىق "EDU Stream Zhuldyzdary" كونكۋرسىنا جىل سايىن مىڭنان استام ٶتٸنٸم تٷسەدٸ. بيىل دا سونشا ٷمٸتكەر ٸشٸنەن مىڭعا جۋىعى ٸرٸكتەۋدەن ٶتكەن. بٸلٸم مەن شىعارماشىلىق توعىسقان سايىستىڭ جۇلدىزدارى دەستٷرگە ساي بٸرنەشە كاتەگوريياعا: باستاۋىش سىنىپتىڭ اعىلشىن تٸلٸ ۇستازدارى جەنە اعىلشىن تٸلٸ 5-9 سىنىپ وقۋشىلارى مەن اعىلشىن تٸلٸ 10-11 سىنىپ وقۋشىلارى بولىپ بٶلٸنەدٸ. اعىمداعى جىلى سانات قاتارىن "فرانتسۋز تٸلٸ 5-8 سىنىپ وقۋشىلارى" تولىقتىرىپ, بايقاۋعا جاڭا رەڭ بەردٸ. قازىلار القاسى مەن ۇيىمداستىرۋشىلاردى تاڭ قالدىرعان ورتاڭعى سىنىپ وقۋشىلارى, گراتسييا تٸلٸندە ەركٸن ەرٸ وڭاي سٶيلەيتٸندەرٸن پاش ەتتٸ. اتالعان ساناتتا باس جٷلدەنٸ الماتى ق. № 25 مەكتەپ-گيمنازيياسىنىڭ 5 سىنىپ وقۋشىسى داليلا قاراشاشەۆا يەلەندٸ.
"ەننٸڭ ارقاسىندا مەن فرانتسۋز تٸلٸن توعىز جاسىمدا ۇناتتىم. بۇل شەت تٸلٸنٸڭ قالاي دىبىستالاتىنى, ايتىلۋ مەنەرٸنٸڭ ەسەمدٸگٸ مەنٸ قاتتى ەلٸكتٸرەدٸ, سوندىقتان مەكتەپتە فرانتسۋز تٸلٸن قۋانا تاڭدادىم. بەينەروليگٸمدە ٶزٸمٸزدٸڭ ۇلتتىق دەستٷرٸمٸز تۋرالى بايانداپ بەردٸم. ماعان ۇستازىم جەنە فرانتسۋز تٸلٸن ٷيرەنٸپ جٷرگەن سٸڭلٸم قولداۋ كٶرسەتتٸ. بەينەروليكتە بٸز ەكەۋٸمٸز شاعىن ديالوگ قۇردىق. سيۋجەتتٸڭ بارلىق يدەياسىن ٶزٸم ويلاستىردىم", – دەيدٸ تۋىندىسى جايلى ايتىپ بەرگەن جاس جۇلدىز داليلا قاراشاشەۆا.
EDU Stream تٸل اكادەميياسى حالىقارالىق Express Publishing باسپاسىنىڭ قازاقستانداعى ەكسكليۋزيۆتٸ ٶكٸلٸ بولىپ تابىلادى. باسپانىڭ ەلٸمٸزدەگٸ مەكتەپ ۇستازدارى مەن وقۋشىلارى اراسىندا وسى كونكۋرستى جىل سايىن ٶتكٸزٸپ تۇرۋ ۇسىنىسىن وقۋ-اعارتۋ مينيسترلٸگٸنٸڭ مەكتەپكە دەيٸنگٸ جەنە ورتا بٸلٸم جٶنٸندەگٸ كوميتەتٸ قولداعان. "EDU Stream Zhuldyzdary" بايقاۋىنىڭ ماقساتى – زاماناۋي بٸلٸم جٷيەسٸندەگٸ ۇستازدار مەن جوعارعى جەنە ورتاڭعى بۋىن وقۋشىلارىنىڭ مٸندەتتٸ ساۋاتتىلىعىن قالىپتاستىرۋ.
"رەسپۋبليكالىق "EDU Stream Zhuldyzdary" كونكۋرسىن سەگٸز جىل بويى ٶز كٷشٸمٸزبەن ۇيىمداستىرا وتىرىپ بٸز شارانىڭ وتاندىق مەكتەپتەر ٷشٸن قانشالىقتى ماڭىزدى ەرٸ تيٸمدٸ ەكەنٸن كٶرٸپ وتىرمىز. بايقاۋدىڭ العاشقى جىلىندا ٶتٸنٸم كٶبٸندە الماتى مەن استانادان كەلسە, ودان كەيٸنگٸ جىلدارى ايماقتاعى مۇعالٸمدەر مەن وقۋشىلار دا اعىلشىنىن جاقسارتىپ, بٷگٸندە بەلسەندٸلەر تٸزٸمٸندە, مىسالى قىزىلوردا, قوستاناي جەنە سولتٷستٸك-قازاقستان وبلىستارىن اتاپ ٶتۋگە بولادى. بٸز جەي عانا EDU Stream حالىقارالىق تٸل اكادەميياسى ەمەسپٸز, بٸز ٶز ەدٸسكەرلەر لابوراتوريياسى بار ەلەمدٸك ساراپشىلارمەن اعىلشىن, فرانتسۋز جەنە ورىس تٸلدەرٸنەن وقۋ-ەدٸستەمەلٸك كەشەن ەزٸرلەيتٸن ەكسپەرتتەرمٸز. بٷگٸندە كوممۋنيكاتيۆتٸك قابٸلەت ادامنىڭ بولاشاعىنا جەنە ٶمٸر ساپاسىنا ىقپال ەتەدٸ, ال بٸزدٸڭ كونكۋرستىڭ بەرەرٸ دە وسى", – دەپ اتاپ ٶتتٸ حالىقارالىق EDU Stream تٸل اكادەميياسىنىڭ باس ديرەكتورى ناتاليا مۇحامەدجانوۆا.
EDU Stream جۇلدىزدارىنا ارنالعان بايقاۋدىڭ ەكٸنشٸ ماڭىزدى ماقساتى – ۇستازداردىڭ يننوۆاتسييالىق پەداگوگيكالىق تەجٸريبەسٸن انىقتاۋ مەن كٶرسەتۋ جەنە وقۋشىلاردىڭ جەكە تۇلعا رەتٸندە ٶسۋٸ مەن ٶزٸن-ٶزٸ پاش ەتۋٸنە جاعداي جاساۋ ارقىلى تٸلدٸك قۇزىرەتٸ مەن شىعارماشىلىق ەلەۋەتٸن دامىتۋ. نەتيجە كٶرسەتكەندەي: باستاۋىش سىنىپتاعى اعىلشىن تٸلٸ پەنٸنٸڭ مۇعالٸمدەرٸ كاتەگوريياسىنا قاتىسقاندار شىعارماشىلىق ۇستانىمى مەن ويىن ارقىلى بٸلٸم بەرۋدٸ جەتكٸزۋمەن قاتار, پاداگوگ ٶمٸرٸنٸڭ قىر-سىرىن اشا تٷستٸ.
"EDU Stream Juldyzdary-2024" كونكۋرسىنا قاتىسۋ مەن ٷشٸن ون جىلدىق پەداگوگيكالىق قىزمەتٸمنٸڭ بٸر قورىتىندىسى ٸسپەتتەس ەندٸ الداعى ۋاقىتتا قاي باعىتتا جۇمىس ٸستەيتٸنٸمە ويلاندىردى. ودان بٶلەك, كامەرا الدىندا سٶيلەۋگە دەگەن قورقىنىشىمدى جەڭۋگە كٶمەكتەستٸ جەنە بۇرىن-سوڭدى بايقاماعان بويىمداعى جاڭا قاسيەتتەرٸمدٸ كٶرسەتٸپ بەردٸ", – دەپ مويىندادى استانا قالاسى بويىنشا باستاۋىش سىنىپتاعى اعىلشىن تٸلٸ پەنٸنٸڭ مۇعالٸمدەرٸ اراسىندا 1 ورىن يەلەنگەن № 60 مەكتەپ-ليتسەيٸنٸڭ ۇستازى تاكسيموۆا اينۇر.
"EDU Stream Juldyzdary" كونكۋرسىنىڭ شارتى قاراپايىم جەنە بارلىعى اشىق تٷردە جٷرەدٸ. ٷمٸتكەرلەر بٸرٸنشٸ كەزەڭدە on-line competition ٶتەدٸ, بۇل بايقاۋ بەدەلٸنە سالماق بەرەدٸ. قاتىسۋشىلار جازعان ەسسەسٸمەن قاتار باسقا دا تاقىرىپتا قازىلار القاسىمەن ديالوگ قۇرۋ ارقىلى شەت تٸلٸندە اۋىزشا سٶيلەۋ دەڭگەيٸن پاش ەتۋٸ تيٸس. ەكٸنشٸ كەزەڭدە كونكۋرستان ٷمٸتكەر Presentation Skills باعالاناتىن بەينەروليك جٸبەرەدٸ. EDU Stream جۇلدىزدارى ماقساتقا جەتٸپ قانا قويماي, مەكتەپ پەن ايماق شەڭبەرٸنەن اسىپ, ماتەريالدارىنىڭ مازمۇنىن تاماشا ويلاستىرعان.
"بەينەروليگٸمە ەلەۋمەتتٸك جەلٸنٸڭ ادام ٶمٸرٸنە ەسەرٸ جايلى تاقىرىپتى تاڭدادىم. ەلەۋمەتتٸك جەلٸ مەن قۇمار ويىنعا تەۋەلدٸلٸك بٸرەۋگە زامان اعىمى بولىپ كٶرٸنەر, ەيتسە دە ونىڭ زييان جاعىن جەتكٸزٸپ, ٶز اقپاراتىم ارقىلى قوعامعا پايدامدى تيگٸزگٸم كەلدٸ. ماعان جەتەكشٸم جەنە وپەراتور كٶمەكتەستٸ. بەينەماتەريالدى ەزٸرلەۋگە اسقان جاۋاپكەرشٸلٸكپەن قارادىم, تٸپتٸ كەيبٸر كٶرٸنٸستٸ بٸرنەشە رەت تٷسٸرۋگە مەجبٷر بولدىق. باس جٷلدە العانىمدى بٸلگەندە, قاتتى قۋاندىم – ەڭبەگٸمٸز جوعارى باعالانعانىنا قۋاندىم", - دەيدٸ اعىلشىن تٸلٸ 10-11 سىنىپ وقۋشىلارى ساناتىنداعى جەڭٸمپاز قىزىلوردا ق. № 271 مەكتەبٸنٸڭ 11 سىنىپ وقۋشىسى قازتاي ارايلىم.
سالا ٷزدٸگٸ رەتٸندە ەلەۋمەتتٸك جاۋاپكەرشٸلٸگٸن جوعارى قوياتىن EDU Stream كومپانييالار توبى ەلٸمٸزدەگٸ كٶكتەمگٸ سۋ تاسقىنى سالدارىنان زارداپ شەككەن وتانداستارىمىزدى قولداۋ ماقساتىندا ٷلكەن سالتاناتتى مەرەكەلەردەن باس تارتۋ جٶنٸندە باستامانى قولداپ, رەسپۋبليكالىق «EDU Stream Juldyzdary-2024» كونكۋرسىنىڭ جەڭٸمپازدارىن ماراپاتتاۋ رەسٸمٸن ونلاين ٶتكٸزدٸ. ۇيىمداستىرۋشى ٷنەمدەلگەن قارجى ەسەبٸنەن بايقاۋدىڭ كاتەگوريياسىن كٶبەيتٸپ, استانا مەن قىزىلوردا وبلىسىن بٶلەك اتاپ ٶتتٸ. بارلىق جەڭٸمپازعا حالىقارالىق EDU Stream تٸل اكادەميياسىنان باعالى سىيلىق پەن ديپلوم تابىستالدى.
