Qazaqstannyń maqsary maiy Japoniiaǵa eksportqa shyǵaryldy.
«Kaz-Ir AGRO» JShS alǵash ret 37,3 tonna kóleminde maqsary maiyn Japoniiaǵa jóneltti.
«Kaz-Ir AGRO» JShS – Qazaqstan tarihyndaǵy Japoniiaǵa azyq-túlik ónimderin jetkizetin, maqsary ósirýge, sondai-aq salqyndai syǵylǵan, tazartylmaǵan maqsary maiyn óndirýge mamandandyrylǵan alǵashqy kompaniia.
Japoniiaǵa maqsary maiyn eksporttaý týraly kelisimshartty Qazaqstandyq eksporttaýshy aǵymdaǵy jyldyń maýsym aiynda jasady.
«KazakhExport» ESK» AQ «Qaryzdy saqtandyrý» ónimi boiynsha 200 000 000 teńge somasyna saqtandyrý qorǵanysyn berý arqyly qoldaý kórsetti
sonyń nátijesinde «Kaz-Ir AGRO» JShS Agrarlyq nesie korporatsiiasynda shikizat (maqsary) satyp alýǵa kredit jelisin tartty.
Japoniia – tehnologiiany qatań saqtap, óndiristiń sapasyn jiti qadaǵalaýmen búkil álemge tanymal bolǵan sapa eli. Qazaqstandyq eksporttaýshy 6 ai boiy sapany rastaýǵa, memlekettik jáne halyqaralyq standarttarǵa sáikestikke júrgizilgen zerthanalyq taldaýlar boiynsha muqiiat tekserýden ótti.
«Kaz-Ir AGRO» úshin Japoniiamen yntymaqtasý – iri tutynýshylar naryǵyna shyǵýǵa múmkindik. Qazirgi sátte kompaniia Niderlandqa Maqsary maiyn jetkizý boiynsha jyldyq kelisimshartty jasaý jóninde kelissózder júrgizýde.
2018 jyldyń birinshi jartyjyldyǵynda kásiporyn 400 tonna kólemindegi ónimdi eksportqa shyǵardy. Maqsary maiy Qytai, Chehiia, Japoniia, Resei jáne Ózbekstan elderine eksporttalady.
Biylǵy jyly «Kaz-Ir AGRO» JShS óziniń 11 jyldyǵyn atap ótti. Osy ýaqyt ishinde kompaniia Qazaqstandaǵy, sondai-aq sheteldegi seriktesteri men klientteriniń senimin jaýlap alǵan.
