Qazaqstannyń jańa Konstitýtsiiasynyń birinshi jobasy Konstitýtsiialyq reforma jónindegi Komissiianyń kezekti otyrysynda qaraldy, dep habarlaidy Dalanews.kz.
Ony daiyndaý kezinde sońǵy 6 aida kelip túsken azamattardyń, qoǵamdyq uiymdar, saiasi partiialar men sarapshylardyń usynystary, sondai-aq Komissiia músheleriniń pikirleri, eskertýleri men usynymdary eskerildi.
Konstitýtsiialyq sot tóraǵasynyń orynbasary Baqyt Nurmuhanovtyń aitýynsha, jańa Konstitýtsiia kirispeden, 11 bólimnen jáne 95 baptan turady.
«Konstitýtsiianyń Preambýlasy tolyǵymen jańardy. Onda elimizdiń ótkenin dáripteitin, búgini men bolashaǵyna baǵdar bolatyn jalpyulttyq qundylyqtar kórinis tapty», – dedi ol.
Baqyt Nurmuhanov adami kapitaldy, bilim berýdi, ǵylym men innovatsiiany damytý memleket qyzmetiniń strategiialyq baǵyty retinde tanylǵanyn atap ótti.
Konstitýtsiialyq sot tóraǵasynyń orynbasary: «Bul jańashyldyqtar jan-jaqty talqylanyp, barshanyń qoldanýyna ie boldy», – dedi.
