22 qańtarda qolaisyz aýa raiyna bailanysty Qazaqstannyń eki óńirinde respýblikalyq mańyzy bar avtojoldardyń jekelegen bólikterinde júk kólikteriniń qozǵalysyna ýaqytsha shekteý engizildi, dep habarlaidy Dalanews.kz.
QazAvtoJol ulttyq kompaniiasy AQ-nyń habarlaýynsha, saǵat 14:30-dan bastap birqatar ýchaskede júk avtokólikteriniń júrýine tyiym salyndy.
Jambyl oblysynda
RF shekarasy – Martók – Aqtóbe – Qarabutaq – Qyzylorda – Shymkent – Taraz – Qordai – Almaty – Qorǵas – QHR shekarasy baǵytymen ótetin avtojoldyń 534–593 shaqyrym aralyǵy (Aisha bibi eldi mekeninen Túrkistan oblysynyń shekarasyna deiin) jabyldy.
Túrkistan oblysynda
Osy baǵyttaǵy avtojoldyń 593–654 shaqyrym aralyǵyna (Jambyl oblysynyń shekarasynan Mashat aýylyna deiin) ýaqytsha shekteý qoiyldy.
Jol qozǵalysyna qatysýshylarǵa sapardy aldyn ala josparlap, aýa raiy men jol ahýalyn eskerip, balama baǵyttardy paidalanýǵa keńes beriledi.
