22 قاڭتاردا قولايسىز اۋا رايىنا بايلانىستى قازاقستاننىڭ ەكى وڭىرىندە رەسپۋبليكالىق ماڭىزى بار اۆتوجولداردىڭ جەكەلەگەن بولىكتەرىندە جۇك كولىكتەرىنىڭ قوزعالىسىنا ۋاقىتشا شەكتەۋ ەنگىزىلدى، دەپ حابارلايدى Dalanews.kz.

قازاۆتوجول ۇلتتىق كومپانياسى اق-نىڭ حابارلاۋىنشا، ساعات 14:30-دان باستاپ ءبىرقاتار ۋچاسكەدە جۇك اۆتوكولىكتەرىنىڭ جۇرۋىنە تىيىم سالىندى.

جامبىل وبلىسىندا

رف شەكاراسى – مارتوك – اقتوبە – قارابۇتاق – قىزىلوردا – شىمكەنت – تاراز – قورداي – الماتى – قورعاس – قحر شەكاراسى باعىتىمەن وتەتىن اۆتوجولدىڭ 534–593 شاقىرىم ارالىعى (ايشا ءبيبى ەلدى مەكەنىنەن تۇركىستان وبلىسىنىڭ شەكاراسىنا دەيىن) جابىلدى.

تۇركىستان وبلىسىندا

وسى باعىتتاعى اۆتوجولدىڭ 593–654 شاقىرىم ارالىعىنا (جامبىل وبلىسىنىڭ شەكاراسىنان ماشات اۋىلىنا دەيىن) ۋاقىتشا شەكتەۋ قويىلدى.

جول قوزعالىسىنا قاتىسۋشىلارعا ساپاردى الدىن الا جوسپارلاپ، اۋا رايى مەن جول احۋالىن ەسكەرىپ، بالاما باعىتتاردى پايدالانۋعا كەڭەس بەرىلەدى.