Halyqaralyq izdeýde júrgen Maqsat Dúisenov Germaniiada ustaldy, dep habarlaidy Dalanews.kz.
Qazaqstan Respýblikasynyń burynǵy bas kólik prokýrory Maqsat Dúisenov halyqaralyq izdeýde júrgen jerinen Germaniiada ustaldy. Bul týraly Ishki ister ministrligi habarlady. Naqtylai aitqanda, ony nemis quqyq qorǵaý organdary qolǵa túsirgen.
«QR IIM Interpoldyń Ulttyq ortalyq biýrosynyń suraýy boiynsha FRG-niń Fiýrt qalasynda halyqaralyq izdeýde júrgen azamat D. ustaldy. Izdeýdegi tulǵany nemis quqyq qorǵaý organdary Interpol jelisi boiynsha halyqaralyq yntymaqtastyq aiasynda anyqtap, qamaýǵa aldy», – delingen ministrlik habarlamasynda.
Dúisenov QR-nyń bas kólik prokýrory qyzmetin 2018 jyldyń tamyzynan 2019 jyldyń sáýirine deiin atqarǵan. Ony bul laýazymǵa Qairat Qojamjarov Bas prokýror bolyp turǵan kezde óz buiryǵymen taǵaiyndaǵan. Eske salsaq, Qojamjarovtyń ózi qazirgi tańda qyzmettik ókilettigin asyra paidalaný jáne qylmystyq kiristerdi zańdastyrý isi boiynsha tergelýde.
