Jaiyq-Kaspii basseini aýmaǵynda «Bekire» aktsiiasy ótkizilip jatyr, dep habarlaidy DKNews.kz.
Aýyl sharýashylyǵy ministrligi balyq sharýashylyǵy komitetiniń, IIM jáne UQK shekara qyzmetiniń qatysýymen Jaiyq-Kaspii basseini aýmaǵynda "Bekire" aktsiiasy ótkizilip jatyr.
Sharaǵa Atyraý, Mańǵystaý, Batys Qazaqstan oblystary politsiia departamentteri men batys óńirlik kólik politsiiasynyń 300-ge jýyq qyzmetkeri jáne 28 tehnikasy, onyń ishinde bes júzý quraly, sondai-aq Ulttyq ulannyń áskeri qyzmetshileri jumyldyryldy.
Aktsiianyń maqsaty - brakonerlik jáne balyq ónimderiniń zańsyz ainalymy faktilerin anyqtap, jolyn kesý.
10 kún ishinde 72 quqyq buzýshylyq anyqtaldy, onyń ishinde 10 zańsyz óndirý faktisi, eki satyp alý nemese ótkizý fakisi, bir balyq jáne balyq ónimderin tasymaldaý faktisi bar.
12 qylmystyq is qozǵaldy. 60 ákimshilik quqyq buzýshylyq anyqtalyp, eki mln teńgeden astam somaǵa aiyppul óndirildi.
Quqyq buzýshylardan 1,5 tonnaǵa jýyq balyq, onyń ishinde 48 kg bekire balyǵy jáne 3,5 kg ýyldyryq tárkilendi.
Mysaly, Aqtaýda avtokólik toqtatylyp, salonnan eki plastik shelekte tiisti qujattary joq, salmaǵy bir kilogramm bekire tuqymdas balyqtyń ýyldyryǵy tabyldy.
Odan bólek, Kaspii teńiziniń jaǵasynda motorly qaiyqtan toǵyz dana kókserke balyǵy jáne eki dana bekire balyǵy tabylyp, tárkilendi.
Bul baǵytta jumys jalǵasýda.
Tóleýbai Muhamadiev, IIM ÁPK erekshe tapsyrmalar jónindegi aǵa inspektory
