جايىق-كاسپيي باسسەينى اۋماعىندا «بەكىرە» اكسياسى وتكىزىلىپ جاتىر، دەپ حابارلايدى DKNews.kz.
اۋىل شارۋاشىلىعى مينيسترلىگى بالىق شارۋاشىلىعى كوميتەتىنىڭ، ءىىم جانە ۇقك شەكارا قىزمەتىنىڭ قاتىسۋىمەن جايىق-كاسپيي باسسەينى اۋماعىندا "بەكىرە" اكسياسى وتكىزىلىپ جاتىر.
شاراعا اتىراۋ، ماڭعىستاۋ، باتىس قازاقستان وبلىستارى پوليسيا دەپارتامەنتتەرى مەن باتىس وڭىرلىك كولىك پوليسياسىنىڭ 300-گە جۋىق قىزمەتكەرى جانە 28 تەحنيكاسى، ونىڭ ىشىندە بەس ءجۇزۋ قۇرالى، سونداي-اق ۇلتتىق ۇلاننىڭ اسكەري قىزمەتشىلەرى جۇمىلدىرىلدى.
اكسيانىڭ ماقساتى - براكونەرلىك جانە بالىق ونىمدەرىنىڭ زاڭسىز اينالىمى فاكتىلەرىن انىقتاپ، جولىن كەسۋ.
10 كۇن ىشىندە 72 قۇقىق بۇزۋشىلىق انىقتالدى، ونىڭ ىشىندە 10 زاڭسىز ءوندىرۋ فاكتىسى، ەكى ساتىپ الۋ نەمەسە وتكىزۋ فاكىسى، ءبىر بالىق جانە بالىق ونىمدەرىن تاسىمالداۋ فاكتىسى بار.
12 قىلمىستىق ءىس قوزعالدى. 60 اكىمشىلىك قۇقىق بۇزۋشىلىق انىقتالىپ، ەكى ملن تەڭگەدەن استام سوماعا ايىپپۇل ءوندىرىلدى.
قۇقىق بۇزۋشىلاردان 1،5 تونناعا جۋىق بالىق، ونىڭ ىشىندە 48 كگ بەكىرە بالىعى جانە 3،5 كگ ۋىلدىرىق تاركىلەندى.
مىسالى، اقتاۋدا اۆتوكولىك توقتاتىلىپ، سالوننان ەكى پلاستيك شەلەكتە ءتيىستى قۇجاتتارى جوق، سالماعى ءبىر كيلوگرامم بەكىرە تۇقىمداس بالىقتىڭ ۋىلدىرىعى تابىلدى.
ودان بولەك، كاسپيي تەڭىزىنىڭ جاعاسىندا موتورلى قايىقتان توعىز دانا كوكسەركە بالىعى جانە ەكى دانا بەكىرە بالىعى تابىلىپ، تاركىلەندى.
بۇل باعىتتا جۇمىس جالعاسۋدا.
تولەۋباي مۇحامادييەۆ، ءىىم اپك ەرەكشە تاپسىرمالار جونىندەگى اعا ينسپەكتورى
