Qazaqstannyń 15 oblysynda aýa raiyna bailanysty eskertý jariialandy, dep habarlaidy Dalanews.kz.
Qazgidromet málimetinshe, 4 aqpanda eldiń birqatar óńirinde qar, boran, tuman, kóktaiǵaq jáne qatty jel kútiledi. Kei aimaqtarda qar aralas jaýyn bolyp, jol qozǵalysyna qiyndyq keltirýi múmkin.
Abai, Shyǵys Qazaqstan, Soltústik Qazaqstan oblystarynda qar jaýyp, boran soǵady. Jeldiń ekpini 15–20 m/s-qa deiin jetedi, tuman kútiledi.
Aqtóbe oblysynda túnde qalyń qar, kúndiz jańbyr men qar aralas jaýyn-shashyn jaýady. Kóktaiǵaq pen tuman bolady.
Atyraý oblysynda qar men jaiaý burqasyn kútilip, jel kúsheiedi. Aýa temperatýrasy tómendep, 5 aqpanǵa qaraǵan túni qatty aiaz bolýy múmkin.
Almaty, Jetisý jáne Jambyl oblystarynyń taýly aimaqtarynda jańbyr men qar jaýyp, tuman túsedi. Joldarda kóktaiǵaq bolady, jel kúsheiedi.
Batys Qazaqstan, Qostanai jáne Mańǵystaý oblystarynda qar, tuman, kóktaiǵaq pen jaiaý burqasyn kútiledi. Jeldiń ekpini kei jerlerde 20 m/s-qa jetedi.
Qaraǵandy, Pavlodar, Qyzylorda jáne Ulytaý oblystarynda negizinen tuman baiqalady. Kei óńirlerde jel kúsheiedi.
Túrkistan oblysynda tuman túsip, taýly asýlarda jeldiń ekpini 15–20 m/s-qa deiin jetýi múmkin.
Qazgidromet turǵyndardy aýa raiynyń qolaisyzdyǵyna bailanysty saq bolýǵa shaqyrady.
