قازاقستاننىڭ 15 وبلىسىندا اۋا رايىنا بايلانىستى ەسكەرتۋ جارييالاندى, دەپ حابارلايدى Dalanews.kz.
قازگيدرومەت مەلٸمەتٸنشە, 4 اقپاندا ەلدٸڭ بٸرقاتار ٶڭٸرٸندە قار, بوران, تۇمان, كٶكتايعاق جەنە قاتتى جەل كٷتٸلەدٸ. كەي ايماقتاردا قار ارالاس جاۋىن بولىپ, جول قوزعالىسىنا قيىندىق كەلتٸرۋٸ مٷمكٸن.
اباي, شىعىس قازاقستان, سولتٷستٸك قازاقستان وبلىستارىندا قار جاۋىپ, بوران سوعادى. جەلدٸڭ ەكپٸنٸ 15–20 م/س-قا دەيٸن جەتەدٸ, تۇمان كٷتٸلەدٸ.
اقتٶبە وبلىسىندا تٷندە قالىڭ قار, كٷندٸز جاڭبىر مەن قار ارالاس جاۋىن-شاشىن جاۋادى. كٶكتايعاق پەن تۇمان بولادى.
اتىراۋ وبلىسىندا قار مەن جاياۋ بۇرقاسىن كٷتٸلٸپ, جەل كٷشەيەدٸ. اۋا تەمپەراتۋراسى تٶمەندەپ, 5 اقپانعا قاراعان تٷنٸ قاتتى اياز بولۋى مٷمكٸن.
الماتى, جەتٸسۋ جەنە جامبىل وبلىستارىنىڭ تاۋلى ايماقتارىندا جاڭبىر مەن قار جاۋىپ, تۇمان تٷسەدٸ. جولداردا كٶكتايعاق بولادى, جەل كٷشەيەدٸ.
باتىس قازاقستان, قوستاناي جەنە ماڭعىستاۋ وبلىستارىندا قار, تۇمان, كٶكتايعاق پەن جاياۋ بۇرقاسىن كٷتٸلەدٸ. جەلدٸڭ ەكپٸنٸ كەي جەرلەردە 20 م/س-قا جەتەدٸ.
قاراعاندى, پاۆلودار, قىزىلوردا جەنە ۇلىتاۋ وبلىستارىندا نەگٸزٸنەن تۇمان بايقالادى. كەي ٶڭٸرلەردە جەل كٷشەيەدٸ.
تٷركٸستان وبلىسىندا تۇمان تٷسٸپ, تاۋلى اسۋلاردا جەلدٸڭ ەكپٸنٸ 15–20 م/س-قا دەيٸن جەتۋٸ مٷمكٸن.
قازگيدرومەت تۇرعىنداردى اۋا رايىنىڭ قولايسىزدىعىنا بايلانىستى ساق بولۋعا شاقىرادى.
