Búgin elimizdiń 13 óńirinde qolaisyz aýa raiyna bailanysty daýyldy eskertý jariialandy, dep habarlaidy Dalanews.kz.
Sinoptikterdiń málimetinshe, birqatar aimaqta tuman, kóktaiǵaq, boran jáne qatty jel kútiledi. Kei óńirlerde jeldiń ekpini 20–25 m/s-qa deiin jetip, jol qozǵalysyna qaýip tóndirýi múmkin.
Soltústik Qazaqstan men Aqmola oblystarynda qar jaýyp, boran soǵady. Tuman men tómengi boran saldarynan kóriný qashyqtyǵy shektelýi yqtimal. Qostanai, Ulytaý jáne Qyzylorda oblystarynda da tuman kútiledi.
Mańǵystaý oblysynda kóktaiǵaq pen tuman boljanyp otyr. Túnde óńirdiń soltústik-shyǵysynda qatty aiaz bolyp, aýa temperatýrasy 20–22 gradýsqa deiin tómendeidi.
Jambyl, Jetisý, Abai jáne Túrkistan oblystarynda jel kúsheiedi. Kei aýdandarda jel ekpini 15–22 m/s-qa deiin jetýi múmkin. Taýly jáne ońtústik óńirlerde kóktaiǵaq qaýpi saqtalady.
Almaty oblysynda jáne Almaty qalasynda túngi jáne tańǵy ýaqytta tuman túsip, joldarda kóktaiǵaq bolady. Kúndiz jeldiń jyldamdyǵy 15–20 m/s-qa deiin kúsheiedi.
Mamandar turǵyndardy aýa raiynyń qolaisyzdyǵyna bailanysty saqtyq sharalaryn kúsheitip, alys jolǵa shyqqanda erekshe muqiiat bolýǵa shaqyrady.
