Ulttyq qaýipsizdik komitetiniń Shekara qyzmeti bir apta ishinde Qazaqstannan iri kólemde qolma-qol aqshany zańsyz alyp shyǵýǵa jasalǵan ondaǵan árekettiń jolyn kesti, dep habarlaidy dalanews.kz.
Vedomstvo málimetinshe, 30 maýsym men 7 shilde aralyǵynda memlekettik shekaradaǵy ótkizý beketterinde deklaratsiialanbaǵan shetel valiýtasyn alyp ótýge qatysty 38 derek tirkelgen. Anyqtalǵan qarajattyń jalpy kólemi 636 million teńgeden asty.
Eń iri jaǵdai Jambyl oblysyndaǵy «Qordai» avtomobil ótkizý pýnktinde anyqtalǵan. Tekserý barysynda shetel azamatynyń júginen 350 myń AQSh dollary tabylǵan. Onyń quny 170 million teńgeden asady.
Atalǵan faktilerdiń barlyǵy boiynsha materialdar protsestik sheshim qabyldaý úshin quzyrly organdarǵa joldandy.
UQK Shekara qyzmeti Qazaqstan zańnamasyna sáikes, belgilengen talaptar saqtalmaǵan jaǵdaida 10 myń AQSh dollarynyń balamasynan asatyn qolma-qol qarajatty el aýmaǵynan alyp shyǵýǵa tyiym salynatynyn eske saldy.
