Áleýmettik jeli men keibir buqaralyq aqparat quraldarynda taraǵan "Qazaqstannan Túrikmenstanǵa brýtsellezge shaldyqqan maldyń eti jóneltildi" degen málimet jalǵan bolyp shyqty. Bul týraly QR Aýyl sharýashylyǵy ministrliginiń Veterinariialyq baqylaý jáne qadaǵalaý komiteti resmi túrde habarlady, dep habarlaidy Dalanews.kz.
Komitettiń málimetinshe, 2025 jyly Qazaqstannan Túrikmenstanǵa et ónimderi múlde eksporttalmaǵan. Sondai-aq Aqmola oblysynan atalǵan elge brýtsellezge kúdikti et jetkizildi degen aqparat shyndyqqa janaspaidy.
"Jalǵan aqparat taratpaý úshin buqaralyq aqparat quraldaryn jáne áleýmettik jeli qoldanýshylaryn tek resmi memlekettik organdar usynǵan derekterge súienýge shaqyramyz," – delingen vedomstvo habarlamasynda.
Aita keteiik, bul málimet alǵash ret "Túrkimenstan shejiresi" basylymynda jariialanǵan. Basylym 26 jáne 29 maýsym kúnderi Aqmola oblysynan Túrikmenstanǵa muzdatylǵan et jetkizildi, al shilde aiynyń basynda júrgizilgen zerthanalyq saraptama barysynda brýtsellez anyqtaldy dep jazǵan.
