– 2022 jyly Tómen jáne Tobyl keden posttarynda Qazaqstannan kelgen 668 kólikten ýtilizatsiialyq alym alyndy. Ótken jyly 12 kólikten ǵana alynǵan bolatyn, – deidi Tómen kedeni.
"Dina" HK bas direktory Ivan Mihailovtyń sózinshe, Resei avtonaryǵyndaǵy jaǵdai aýyr, óitkeni Eýropa men Japoniiadan avtomobil ákelý toqtaǵan.
Ýkrainaǵa basyp kirgenine bailanysty Reseige sanktsiia salynǵan soń Qazaqstannan Reseige taýar eksporty ulǵaia bastaǵany baiqalǵan.
2022 jyldyń jeltoqsanynda Qazaqstannyń Reseige eksporty 15,1 paiyzǵa kóbeigeni habarlanǵan. Qazaqstan Reseige negizinen metall men metall ónimderin (1,5 milliard dollar), mineraldy ónimder (1,4 milliard dollar), himiia ónerkásibiniń ónimderin, máshine jáne qural-jabdyq jáne aýyl sharýashylyǵy ónimderin (349 million dollar) eksporttaǵan.
2022 jyldyń qańtarynan qyrkúiekke deiingi aralyqta Qazaqstan men Resei arasyndaǵy taýar ainalymy 18,4 milliard dollar bolǵan, iaǵni aldyńǵy jyldan 5 paiyzǵa kóbeigen.
