– 2022 جىلى تومەن جانە توبىل كەدەن پوستتارىندا قازاقستاننان كەلگەن 668 كولىكتەن ۋتيليزاسيالىق الىم الىندى. وتكەن جىلى 12 كولىكتەن عانا الىنعان بولاتىن، – دەيدى تومەن كەدەنى.
"دينا" حك باس ديرەكتورى يۆان ميحايلوۆتىڭ سوزىنشە، رەسەي اۆتونارىعىنداعى جاعداي اۋىر، ويتكەنى ەۋروپا مەن جاپونيادان اۆتوموبيل اكەلۋ توقتاعان.
ۋكرايناعا باسىپ كىرگەنىنە بايلانىستى رەسەيگە سانكسيا سالىنعان سوڭ قازاقستاننان رەسەيگە تاۋار ەكسپورتى ۇلعايا باستاعانى بايقالعان.
2022 جىلدىڭ جەلتوقسانىندا قازاقستاننىڭ رەسەيگە ەكسپورتى 15،1 پايىزعا كوبەيگەنى حابارلانعان. قازاقستان رەسەيگە نەگىزىنەن مەتالل مەن مەتالل ونىمدەرىن (1،5 ميلليارد دوللار)، مينەرالدى ونىمدەر (1،4 ميلليارد دوللار)، حيميا ونەركاسىبىنىڭ ونىمدەرىن، ماشينە جانە قۇرال-جابدىق جانە اۋىل شارۋاشىلىعى ونىمدەرىن (349 ميلليون دوللار) ەكسپورتتاعان.
2022 جىلدىڭ قاڭتارىنان قىركۇيەككە دەيىنگى ارالىقتا قازاقستان مەن رەسەي اراسىنداعى تاۋار اينالىمى 18،4 ميلليارد دوللار بولعان، ياعني الدىڭعى جىلدان 5 پايىزعا كوبەيگەن.
