Qazaqstannyń burynǵy ádilet ministri Marat Beketaevty qamaýda ustaýdy taǵy bir aiǵa uzartý týraly sot sanktsiiasy shyqty, dep habaralaidy Dalanews.kz.
"2024 jylǵy 12 aqpanda Astana qalasynyń mamandandyrylǵan aýdanaralyq tergeý sotymen kúdikti Marat Beketaevqa qatysty kúzetpen ustaý túrindegi bultartpaý sharasyn 2024 jylǵy 21 naýryzǵa deiin uzartý sanktsiialandy", - delingen Kazinform joldaǵan saýal jaýabynda.
Sondai-aq, qalalyq sottan QR Qylmystyq is júrgizý kodeksiniń 201-babyna sáikes ózge derekterdiń jariia etilmeitini aityldy.
Eske salaiyq, eks-sheneýnikti byltyr qazanda Sybailas jemqorlyqqa qarsy qyzmet ustaǵan edi. Al jeltoqsanda ony kúzetpen ustaý merzimi 21 qańtarǵa deiin uzardy. Bul joly taǵy da uzaryp otyr.
Buǵan deiin bas prokýrordyń orynbasary Áset Shyndaliev Marat Beketaev Qazaqstannan qashpaq bolǵan sátinde ustalǵanyn aitqan edi. Al Antikordyń málimetinshe, Beketaev úlestes kompaniialardyń múddesin qorǵaǵan.
