قازاقستاننان قاشپاق بولعان ساتىندە ۇستالعان شەنەۋنىكتى قاماۋ مەرزىمى تاعى ۇزارتىلدى

قاراكوز امانتاي 28 اقپ. 2024 16:23 11429

قازاقستاننىڭ بۇرىنعى ادىلەت ءمينيسترى مارات بەكەتايەۆتى قاماۋدا ۇستاۋدى تاعى ءبىر ايعا ۇزارتۋ تۋرالى سوت سانكسياسى شىقتى، دەپ حابارالايدى Dalanews.kz.

"2024 جىلعى 12 اقپاندا استانا قالاسىنىڭ مامانداندىرىلعان اۋدانارالىق تەرگەۋ سوتىمەن كۇدىكتى مارات بەكەتايەۆقا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن 2024 جىلعى 21 ناۋرىزعا دەيىن ۇزارتۋ سانكسيالاندى"، - دەلىنگەن Kazinform جولداعان ساۋال جاۋابىندا.

سونداي-اق، قالالىق سوتتان ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە دەرەكتەردىڭ جاريا ەتىلمەيتىنى ايتىلدى.

ەسكە سالايىق، ەكس-شەنەۋنىكتى بىلتىر قازاندا سىبايلاس جەمقورلىققا قارسى قىزمەت ۇستاعان ەدى. ال جەلتوقساندا ونى كۇزەتپەن ۇستاۋ مەرزىمى 21 قاڭتارعا دەيىن ۇزاردى. بۇل جولى تاعى دا ۇزارىپ وتىر.

بۇعان دەيىن باس پروكۋروردىڭ ورىنباسارى اسەت شىندالييەۆ مارات بەكەتايەۆ قازاقستاننان قاشپاق بولعان ساتىندە ۇستالعانىن ايتقان ەدى. ال انتيكوردىڭ مالىمەتىنشە، بەكەتايەۆ ۇلەستەس كومپانيالاردىڭ مۇددەسىن قورعاعان.


ۇسىنىلعان
سوڭعى جاڭالىقتار
x