Qazaqstannan Ózbekstanǵa benzin zańsyz qubyr arqyly tasymaldanǵan, dep habarlaidy Dalanews.kz.
Qazaqstan-Ózbekstan shekarasynda AI-92 markaly benzindi tasymaldaý úshin paidalanylǵan jer asty qubyry anyqtaldy.
Ózbekstannyń 28 jáne 39 jastaǵy eki azamaty Qazaqstan Respýblikasynyń azamatynyń qatysýymen kelisimge kelip, Qazaqstan aýmaǵynan Ózbekstanǵa AI-92 markaly benzindi zańsyz tasymaldaý jáne ony satýmen ainalysqan.
Óz áreketterin júzege asyrý úshin quqyq buzýshylar Túrkistan oblysynyń Saryaǵash aýdany men Tashkent oblysynyń Qybrai aýdany aýmaǵyn jalǵap turatyn uzyndyǵy shamamen 300 metr bolatyn jer asty qubyrynyń ishine shlang tósegen.
Qazirgi ýaqytta atalǵan tulǵalarǵa qatysty qylmystyq is qozǵalyp, tergeý júrgizilýde.
