قازاقستاننان وزبەكستانعا بەنزين زاڭسىز قۇبىر ارقىلى تاسىمالدانعان، دەپ حابارلايدى Dalanews.kz.
قازاقستان-وزبەكستان شەكاراسىندا اي-92 ماركالى بەنزيندى تاسىمالداۋ ءۇشىن پايدالانىلعان جەر استى قۇبىرى انىقتالدى.
وزبەكستاننىڭ 28 جانە 39 جاستاعى ەكى ازاماتى قازاقستان رەسپۋبليكاسىنىڭ ازاماتىنىڭ قاتىسۋىمەن كەلىسىمگە كەلىپ، قازاقستان اۋماعىنان وزبەكستانعا اي-92 ماركالى بەنزيندى زاڭسىز تاسىمالداۋ جانە ونى ساتۋمەن اينالىسقان.
ءوز ارەكەتتەرىن جۇزەگە اسىرۋ ءۇشىن قۇقىق بۇزۋشىلار تۇركىستان وبلىسىنىڭ سارىاعاش اۋدانى مەن تاشكەنت وبلىسىنىڭ قىبراي اۋدانى اۋماعىن جالعاپ تۇراتىن ۇزىندىعى شامامەن 300 مەتر بولاتىن جەر استى قۇبىرىنىڭ ىشىنە شلانگ توسەگەن.
قازىرگى ۋاقىتتا اتالعان تۇلعالارعا قاتىستى قىلمىستىق ءىس قوزعالىپ، تەرگەۋ جۇرگىزىلۋدە.
