Ázerbaijannan transulttyq uiymdasqan toptyń múshesi ekstraditsiialandy, - dep habarlaidy Dalanews.kz Bas prokýratýranyń baspasóz qyzmetine siltep.
Transulttyq uiymdasqan toptyń qyzmetine qatysqany úshin qylmystyq jaýapkershilikke tartý maqsatynda Ázerbaijannan Túrkiia azamaty ekstraditsiialandy.
Ol 2020 jyldyń shildesi men tamyzy aralyǵynda transulttyq uiymdasqan top quramynda Qazaqstannan 24 keliden astam altyndy kontrabandalyq jolmen áketýge qatysqan degen kúdikke ilinip otyr.
Saldarynan memleketke 633 million teńgeden astam shyǵyn keltirilgen. Qylmys jasaǵannan keiin qatysýshylar tergeýden jasyrynyp, halyqaralyq izdeýge jariialanǵan. 2023 jyldyń shildesinde kúdikti Ázerbaijan aýmaǵynda ustaldy.
Qazirgi ýaqytta ol Astana qalasynyń ýaqytsha ustaý izoliatoryna qamaldy. Bul qylmysty jasaǵany úshin múlkin tárkilep, segiz jyldan on eki jylǵa deiingi merzimge bas bostandyǵynan aiyrý jazasy qarastyrylǵan.
