قازاقستاننان 24 كەلى التىن ۇرلاپ كەتكەن ادام ازەربايجاندا جۇرگەن

كوركەم الدابەرگەنوۆا 16 اقپ. 2024 09:24 2651

ازەربايجاننان ترانسۇلتتىق ۇيىمداسقان توپتىڭ مۇشەسى ەكستراديسيالاندى، - دەپ حابارلايدى Dalanews.kz باس پروكۋراتۋرانىڭ باسپا ءسوز قىزمەتىنە سىلتەپ.

ترانسۇلتتىق ۇيىمداسقان توپتىڭ قىزمەتىنە قاتىسقانى ءۇشىن قىلمىستىق جاۋاپكەرشىلىككە تارتۋ ماقساتىندا ازەربايجاننان تۇركيا ازاماتى ەكستراديسيالاندى.

ول 2020 جىلدىڭ شىلدەسى مەن تامىزى ارالىعىندا ترانسۇلتتىق ۇيىمداسقان توپ قۇرامىندا قازاقستاننان 24 كەلىدەن استام التىندى كونتراباندالىق جولمەن اكەتۋگە قاتىسقان دەگەن كۇدىككە ءىلىنىپ وتىر. 

سالدارىنان مەملەكەتكە 633 ميلليون تەڭگەدەن استام شىعىن كەلتىرىلگەن. قىلمىس جاساعاننان كەيىن قاتىسۋشىلار تەرگەۋدەن جاسىرىنىپ، حالىقارالىق ىزدەۋگە جاريالانعان. 2023 جىلدىڭ شىلدەسىندە كۇدىكتى ازەربايجان اۋماعىندا ۇستالدى.

قازىرگى ۋاقىتتا ول استانا قالاسىنىڭ ۋاقىتشا ۇستاۋ يزولياتورىنا قامالدى. بۇل قىلمىستى جاساعانى ءۇشىن مۇلكىن تاركىلەپ، سەگىز جىلدان ون ەكى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.


ۇسىنىلعان
سوڭعى جاڭالىقتار