Qazaqstanǵa kem degende úsh atom elektr stantsiiasy qajet. Bul týraly “Prozrachnyi tarif” qaýymdastyǵynyń tóraǵasy Petr Svoik málimdedi. Onyń pikirinshe, elimizge bir atom elektr stansasy azdyq etedi, dep habarlaidy Dalanews.kz.
Óz sózinde ol eń aldymen Balqash atom elektr stantsiiasyn salý qajet ekenin alǵa tartty. Sebebi bul oryn soltústik pen ońtústikti bailanystaratyn negizgi kópir deidi.
“Qazaqstanda jalpyulttyq referendým áli ótpedi. Alaida onyń salynatyn orny belgilenip qoidy. Naqtyraq aitsaq, Almaty oblysyndaǵy Úlken aýylynda oryn tebedi. Bul Balqash jaǵalaýynda ornalasqan. Munda stantsiia salsaq, ońtústikti elektr energiiasymen tolyq qamtamasyz etý máselesi sheshiledi” - dedi Svoik.
Sonymen qatar sarapshy alǵashqy eki energoblok iske qosylǵannan keiin taǵy eki-úsh energobloktyń qurylysyna kirisip ketý kerek ekenin de jetkizdi. Aitýynsha, Kýrchatov qalasy men Aqtaýǵa da salyný qajet. Sebebi Qazaqstannyń batys óńirinde elektr tapshylyǵy bar.
“Qazir shaǵyn modýldi reaktorlar óte jyldam damyp jatyr. 3-4 jyldan soń olardy Qazaqstannyń kez kelgen jerine ornalastyrýǵa bolady. Sebebi jerimiz keń. Atalmysh reaktorlardy Taldyqorǵan, Qyzylorda jáne Jezqazǵanǵa qoiýǵa bolady. Ol shaǵyn ári senimdi energiia kózi bola alady”, - dedi tóraǵa.
Eske salaiyq, buǵan deiin 2035 jylǵa qarai elimizde AES qosylýy múmkin degen aqparat taraǵan edi. Osy tusta prezident Qasym-Jomart Toqaev elimizde AES salý-salmaý máselesin jalpyulttyq referendým arqyly sheshýdi usynǵan bolatyn.
