«Medısınalyq uıymdarǵa naýqastardy KVI-den emdeý úshin antıbıotıktiń 16 túri úzilissiz jetkizilýde. Sonymen birge kerekti dári-dármekti jedeldetip dárihanalarǵa jetkizý úshin dıstrıbútorlarmen kelissózder júrgizilip jatyr. Spekýlásıaǵa jol bermeý maqsatynda ákimdikter bir adamǵa dári-dármekti shekteýli túrde satý máselesin rettep jatyr. Osy aptanyń sońyna deıin bólshek saýda jelilerine vırýsqa qarsy preparattardyń 70 myń qaptamasy jetkiziledi.
Ystyq túsiretin dáriler, máselen parasetomol Qazaqstan naryǵyna túse bastady. Qazirgi tańda bul preparattyń naryqqa ártúrli óndirýshilerden 700 myń qaptamasy jetkizildi.
Aldaǵy eki aptada parasetamoldyń taǵy 800 myń qaptamasyn jetkizý kózdelgen», - dedi Alekseı Soı búgin OKQ-da ótken baspasóz máslıhatynda.
Eske sala ketsek búgin QR Premer-Mınıstri Asqar Mamınniń tóraǵalyǵymen ótken Memlekettik komısıa otyrysynda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologıalyq ahýaldy turaqtandyrý sharalary qaralǵan bolatyn. Memlekettik komısıanyń sheshimimen 5 shildeden bastap elimizde 14 kúnge qatań shekteý sharalary engiziletin boldy.
