«مەديسينالىق ۇيىمدارعا ناۋقاستاردى كۆي-دەن ەمدەۋ ءۇشىن انتيبيوتيكتىڭ 16 ءتۇرى ءۇزىلىسسىز جەتكىزىلۋدە. سونىمەن بىرگە كەرەكتى دارى-دارمەكتى جەدەلدەتىپ ءدارىحانالارعا جەتكىزۋ ءۇشىن ديستريبيۋتورلارمەن كەلىسسوزدەر جۇرگىزىلىپ جاتىر. سپەكۋلياسياعا جول بەرمەۋ ماقساتىندا اكىمدىكتەر ءبىر ادامعا دارى-دارمەكتى شەكتەۋلى تۇردە ساتۋ ماسەلەسىن رەتتەپ جاتىر. وسى اپتانىڭ سوڭىنا دەيىن بولشەك ساۋدا جەلىلەرىنە ۆيرۋسقا قارسى پرەپاراتتاردىڭ 70 مىڭ قاپتاماسى جەتكىزىلەدى.
ىستىق تۇسىرەتىن دارىلەر، ماسەلەن پاراسەتومول قازاقستان نارىعىنا تۇسە باستادى. قازىرگى تاڭدا بۇل پرەپاراتتىڭ نارىققا ءارتۇرلى وندىرۋشىلەردەن 700 مىڭ قاپتاماسى جەتكىزىلدى.
الداعى ەكى اپتادا پاراسەتامولدىڭ تاعى 800 مىڭ قاپتاماسىن جەتكىزۋ كوزدەلگەن»، - دەدى الەكسەي سوي بۇگىن وكق-دا وتكەن باسپا ءسوز ءماسليحاتىندا.
ەسكە سالا كەتسەك بۇگىن ق ر پرەمەر-مينيسترى اسقار ءماميننىڭ توراعالىعىمەن وتكەن مەملەكەتتىك كوميسسيا وتىرىسىندا ق ر پرەزيدەنتى قاسىم-جومارت توقايەۆتىڭ تاپسىرماسىنا سايكەس قازاقستانداعى ەپيدەميولوگيالىق احۋالدى تۇراقتاندىرۋ شارالارى قارالعان بولاتىن. مەملەكەتتىك كوميسسيانىڭ شەشىمىمەن 5 شىلدەدەن باستاپ ەلىمىزدە 14 كۇنگە قاتاڭ شەكتەۋ شارالارى ەنگىزىلەتىن بولدى.
