Mamyr aiynda halyqaralyq aqsha aýdarymdary júiesi (HAAJ) arqyly Qazaqstannan 65,9 mlrd teńge syrtqa ketken. Bul - elimizge kelgen aqsha kóleminen 3,5 ese kóp kólem, dep habarlaidy Dalanews.kz.
QR Ulttyq bank málimetinshe, mamyr aiynda el turǵyndary shetelge 65,9 mlrd teńge jibergen. Kóbinese, qarajat myna elderge aýdarylǵan: Ózbekstanǵa - 25,7 mlrd teńge; Reseige - 17,9 mlrd teńge; Túrkiiaǵa - 10,6 mlrd teńge. Sondai-aq, aqsha aýdarymdary Grýziiaǵa, Qyrǵyzstanǵa, Qytaiǵa jáne basqa da alys-jaqyn shetelderge jiberildi.
| Qazaqstannan HAAJ arqyly jasalǵan aqsha aýdarymdary (2025 jyldyń mamyry) | ||
| Memleketter | Somasy | Úlesi |
| Ózbekstan | 25,7 mlrd teńge | 39,0% |
| Resei | 17,9 mlrd teńge | 27,2% |
| Túrkiia | 10,6 mlrd teńge | 16,1% |
| Grýziia | 3,3 mlrd teńge | 5,0% |
| Qyrǵyzstan | 2,0 mlrd teńge | 3,1% |
| Qytai | 14,3 mlrd teńge | 2,2% |
| Ázirbaijan | 1,2 mlrd teńge | 1,9% |
| Armeniia | 815 mln teńge | 1,2% |
| Tájikstan | 549 mln teńge | 0,8% |
| Ońtústik Koreia | 492,6 mln teńge | 0,7% |
| Basqalary | 1,8 mlrd teńge | 2,8% |
| Barlyǵy | 65,9 mlrd teńge |
QR Ulttyq Bankiniń derekterinen alyndy
Biraq Qazaqstanǵa shetelden kelip túsken qarajat budan 3,5 ese az: barlyǵy 19,1 mlrd teńge. Bul rette aqsha aýdarymdary boiynsha Resei kóshbasshy: 4,6 mlrd teńge. Bir qyzyǵy, Ulybritaniiadan da elimizge aqsha belsendi túrde aǵylǵan: 3,6 mlrd teńge. Al Ózbekstan úshinshi orynda tur: shamamen 2 mlrd teńge. Sondai-aq,elimizge aqsha AQSh, Túrkiia, Ońtústik Koreia, Germaniia jáne taǵy basqa elderden de kelip jetken.
| HAAJ arqyly Qazaqstanǵa jasalǵan aqsha aýdarymdary (2025 jyldyń mamyry) | ||
| Memleketter | Somasy | Úlesi |
| Resei | 4,6 mlrd teńge | 24,20% |
| Ulybritaniia | 3,6 mlrd teńge | 18,80% |
| Ózbekstan | 2 mlrd teńge | 10,40% |
| AQSh | 1,8 mlrd teńge | 9,60% |
| Túrkiia | 1,5 mlrd teńge | 8,20% |
| Ońtústik Koreia | 1,1 mlrd teńge | 5,70% |
| Germaniia | 982,3 mln teńge | 5,20% |
| Qyrǵyzstan | 732,1 mln teńge | 3,80% |
| Grýziia | 490,6 mln teńge | 2,60% |
| Ázirbaijan | 291 mln teńge | 1,50% |
| Basqalary | 1,9 mlrd teńge | 10% |
| Barlyǵy | 19,1 mlrd teńge |
QR Ulttyq Bankiniń derekterinen alyndy
Syrtqa ketken qarajattyń kóp bóligi AQSh dollary túrinde bolǵan: 57,2%. Teńge bar somanyń tek 32,7%, al rýbl 9,9%, evro 0,3%-yn qurady.
Qazaqstandyqtar aqshany kóbinese dollarlai alǵan: 57,3%. Teńgeleii 19,7%, al rýbldeii 15,5%, evrolaiy 7,5%-y qamtydy. Osylaisha, Qazaqstan aqshany alýshy emes, jóneltýshi el bolyp tabylýda. Soǵan qaraǵanda elimizde tabys taýyp, úiine aqsha jiberetin sheteldikter shetelde jumys istep, týystaryna aqsha jiberetin qazaqstandyqtarǵa qaraǵanda áldeqaida kóp bolýy múmkin.
Aita keteiik, buǵan deiin de elimizge kelgen aqsha shetelge ketkennen áldeqaida az bolǵan. Mysaly, 2024 jyldyń qańtar-mamyr ailary aralyǵynda elden 411,4 mlrd teńge shyǵarylsa, al osy ýaqyt aralyǵynda 310,4 mlrd teńge ǵana elimizge kelip túsken.
