2024 jyly Qazaqstanǵa 15 millionnan astam sheteldik týrist keldi. Bul týraly Úkimet otyrysynda týrizm jáne sport ministri Erbol Myrzabosynov málimdedi,- dep habarlaidy Dalanews.kz
Ministrdiń aitýynsha, ishki týrizm de aitarlyqtai ósken: 10 millionnan astam qazaqstandyq el boiynsha belsendi saiahattaǵan.
Vedomstvo basshysy sońǵy jyldary Qazaqstan sheteldik týrister úshin anaǵurlym ashyq elge ainalǵanyn atap ótti.
"Búginde 87 eldiń azamaty Qazaqstanǵa vizasyz, taǵy 107 eldiń azamaty elektrondy vizamen kire alady. Áýe qatynasy keńeiip keledi. «Ashyq aspan» saiasatynyń arqasynda ótken jyly 22 jańa marshrýt iske qosyldy. Biyl taǵy 32 marshrýt josparlanyp otyr", - dedi Erbol Myrzabosynov.
