Janarmai baǵasyn negizsiz ósirgen janarmai quiý beketteri tekseriledi, dep habarlaidy dalanews.kz.
Básekelestikti qorǵaý jáne damytý agenttiginiń málimetinshe, vedomstvo janar-jaǵarmai materialdary naryǵyndaǵy baǵaǵa baqylaýdy kúsheitedi.
Agenttik tóraǵasy Marat Omarovtyń tóraǵalyǵymen ótken keńeste aýmaqtyq departamentterge munai jetkizýshilerdiń, munai ónimderin kóterme satýshylardyń, sondai-aq avtojanarmai quiý stantsiialary (JQS) men avtogaz quiý stantsiialaryndaǵy (AGQS) baǵaǵa monitoringti kúsheitý tapsyryldy.
Eger básekelestikti qorǵaý týraly zańnamany buzý belgileri anyqtalsa, aýmaqtyq departamentterge monopoliiaǵa qarsy den qoiý sharalaryn qabyldaý júkteldi.
Sonymen qatar agenttik monopoliiaǵa qarsy zańnamanyń buzylýyna jol bermeýge baǵyttalǵan arnaiy is-sharalar josparyn ázirledi. Sondai-aq óńirlik shtabtar aiasyndaǵy vedomstvoaralyq ózara is-qimyl kúsheitiledi.
