Qazaqstandaǵy jumyssyzdardyń jartysynan astamy, iaǵni 53 paiyzy úsh aiǵa jetpei jumys tabady. Taǵy 21 paiyzy jumys izdeýge alty aiǵa deiin ýaqyt jumsaidy. Al jumys izdeýshilerdiń dál osyndai úlesi 30 kúnge jetpei jumysqa ornalasady. Eń az bóligi laiyqty jumys tabý úshin bir jyl nemese odan da kóp ýaqytyn joǵaltady. Mundai derekti Ranking sarapshylary jariialady, dep habarlaidy dalanews.kz.
Sarapshylardyń qorytyndysyna sáikes adam neǵurlym uzaq ýaqyt jumyssyz júrse, onyń eńbek naryǵyna qaita oralýy soǵurlym qiyndai túsedi.
Qazaqstandaǵy jumyssyzdyq deńgeii turaqty túrde 4,5 paiyz shamasynda saqtalyp otyr. Kóbine adamdar jumystan óz erkimen ketedi. Mamandardyń shamamen 17 paiyzy qysqartýǵa ushyraǵandyqtan nemese eńbek shartynyń merzimi aiaqtalǵandyqtan jumyssyz qalǵan.
Keibireýler shaǵyn qalalarda laiyqty jalaqysy bar jumys tabý múmkin emes ekenin aitady. Sondyqtan kópshiligi Astana, Almaty jáne Shymkent siiaqty iri qalalarda jumys isteýge umtylady.
