قازاقستانداعى جۇمىسسىزداردىڭ جارتىسىنان استامى, ياعني 53 پايىزى ٷش ايعا جەتپەي جۇمىس تابادى. تاعى 21 پايىزى جۇمىس ٸزدەۋگە التى ايعا دەيٸن ۋاقىت جۇمسايدى. ال جۇمىس ٸزدەۋشٸلەردٸڭ دەل وسىنداي ٷلەسٸ 30 كٷنگە جەتپەي جۇمىسقا ورنالاسادى. ەڭ از بٶلٸگٸ لايىقتى جۇمىس تابۋ ٷشٸن بٸر جىل نەمەسە ودان دا كٶپ ۋاقىتىن جوعالتادى. مۇنداي دەرەكتٸ Ranking ساراپشىلارى جارييالادى, دەپ حابارلايدى dalanews.kz.
ساراپشىلاردىڭ قورىتىندىسىنا سەيكەس ادام نەعۇرلىم ۇزاق ۋاقىت جۇمىسسىز جٷرسە, ونىڭ ەڭبەك نارىعىنا قايتا ورالۋى سوعۇرلىم قيىنداي تٷسەدٸ.
قازاقستانداعى جۇمىسسىزدىق دەڭگەيٸ تۇراقتى تٷردە 4,5 پايىز شاماسىندا ساقتالىپ وتىر. كٶبٸنە ادامدار جۇمىستان ٶز ەركٸمەن كەتەدٸ. مامانداردىڭ شامامەن 17 پايىزى قىسقارتۋعا ۇشىراعاندىقتان نەمەسە ەڭبەك شارتىنىڭ مەرزٸمٸ اياقتالعاندىقتان جۇمىسسىز قالعان.
كەيبٸرەۋلەر شاعىن قالالاردا لايىقتى جالاقىسى بار جۇمىس تابۋ مٷمكٸن ەمەس ەكەنٸن ايتادى. سوندىقتان كٶپشٸلٸگٸ استانا, الماتى جەنە شىمكەنت سيياقتى ٸرٸ قالالاردا جۇمىس ٸستەۋگە ۇمتىلادى.
