Astana – Taraz baǵytyndaǵy reiste 38 jastaǵy Resei azamatynyń qan qysymy kóterilip, jaǵdaiy nasharlaǵan. Oǵan ushaq bortynda Densaýlyq saqtaý vitse-ministri Manas Ramazanov kómek kórsetken, dep habarlaidy dalanews.kz.
Oqiǵa kýágerleri túsirgen video áleýmettik jelide tarady. Jolaýshynyń álsizdik, júrek ainý jáne tynys alýdyń qiyndaýy siiaqty belgileri bolǵan. Sol sátte bortta basqa meditsina qyzmetkerleri bolmaǵan.
Dáriger mamandyǵy bar Manas Ramazanov áieldiń qan qysymyn ólshep, qajetti meditsinalyq kómek kórsetken. Sonyń nátijesinde jolaýshynyń jaǵdaiy jaqsarǵan. Ushaq qonǵanǵa deiin vitse-ministr jedel járdem shaqyrtyp, áýejaiǵa jetken soń áieldi meditsina qyzmetkerlerine tapsyrǵan.
