Qazaqstandyqtar biryńǵai ýaqyt beldeýine kóshýdiń halyq densaýlyǵyna qalai áser etkenin anyqtaýdy surap, petitsiia jariialady, dep habarlaidy dalanews.kz.
Bastama avtorlary elde biryńǵai ýaqyt engizilgennen keiin turǵyndar arasynda sharshaý, uiqyshyldyq jáne jalpy álsizdikke qatysty shaǵymdar kóbeigenin alǵa tartqan. Osyǵan bailanysty olar Densaýlyq saqtaý ministrligine halyqtyń densaýlyǵyna keshendi zertteý júrgizýdi usyndy.
Petitsiiada zertteý jumysyn úsh jyl boiy júrgizip, onyń nátijelerin ashyq jariialaý talap etilgen. Sondai-aq azamattar óz pikirleri men densaýlyq jaǵdaiyndaǵy ózgerister týraly málimet qaldyra alatyn arnaiy onlain-platforma qurý usynylǵan.
Bastama ieleriniń pikirinshe, mundai resýrs qazaqstandyqtardy zertteýge keńinen tartyp, biryńǵai ýaqyt beldeýiniń yqtimal áserin naqty derekter negizinde baǵalaýǵa múmkindik beredi.
