قازاقستاندىقتار بٸرىڭعاي ۋاقىت بەلدەۋٸنە كٶشۋدٸڭ حالىق دەنساۋلىعىنا قالاي ەسەر ەتكەنٸن انىقتاۋدى سۇراپ, پەتيتسييا جارييالادى, دەپ حابارلايدى dalanews.kz.
باستاما اۆتورلارى ەلدە بٸرىڭعاي ۋاقىت ەنگٸزٸلگەننەن كەيٸن تۇرعىندار اراسىندا شارشاۋ, ۇيقىشىلدىق جەنە جالپى ەلسٸزدٸككە قاتىستى شاعىمدار كٶبەيگەنٸن العا تارتقان. وسىعان بايلانىستى ولار دەنساۋلىق ساقتاۋ مينيسترلٸگٸنە حالىقتىڭ دەنساۋلىعىنا كەشەندٸ زەرتتەۋ جٷرگٸزۋدٸ ۇسىندى.
پەتيتسييادا زەرتتەۋ جۇمىسىن ٷش جىل بويى جٷرگٸزٸپ, ونىڭ نەتيجەلەرٸن اشىق جارييالاۋ تالاپ ەتٸلگەن. سونداي-اق ازاماتتار ٶز پٸكٸرلەرٸ مەن دەنساۋلىق جاعدايىنداعى ٶزگەرٸستەر تۋرالى مەلٸمەت قالدىرا الاتىن ارنايى ونلاين-پلاتفورما قۇرۋ ۇسىنىلعان.
باستاما يەلەرٸنٸڭ پٸكٸرٸنشە, مۇنداي رەسۋرس قازاقستاندىقتاردى زەرتتەۋگە كەڭٸنەن تارتىپ, بٸرىڭعاي ۋاقىت بەلدەۋٸنٸڭ ىقتيمال ەسەرٸن ناقتى دەرەكتەر نەگٸزٸندە باعالاۋعا مٷمكٸندٸك بەرەدٸ.
