Qazaqstanda balyq tutyný kólemi aitarlyqtai artqan. 2025 jyly elde 106,5 myń tonna balyq satylyp, bul ótken jylmen salystyrǵanda 13%-ǵa kóp bolǵan, dep habarlaidy dalanews.kz.
Bul týraly Balyq sharýashylyǵy komitetiniń tóraǵasy Serik Sermuhambetov málimdedi. Onyń aitýynsha, satylǵan ónimniń 50 myń tonnaǵa jýyǵyn otandyq balyqshylar aýlaǵan. Taǵy 23 myń tonnasy balyq ósirýmen ainalysatyn sharýashylyqtarda óndirilgen.
Sonymen qatar Qazaqstan shetelden 55 myń tonna balyq importtaǵan, al eksport kólemi 21 myń tonnany quraǵan. Serik Sermuhambetovtyń sózinshe, eldegi jan basyna shaqqandaǵy balyq tutyný kólemi de ósken.
«Bir jyl ishinde árbir qazaqstandyqtyń balyq tutynýy 4 keliden 7 kelige deiin artty. Degenmen dárigerler bir adamǵa jylyna 11 keli balyq tutynýdy usynady», – dedi komitet tóraǵasy.
Sondai-aq ol Úkimettiń aldaǵy jyldarǵa arnalǵan josparyn eske saldy.
«2030 jylǵa qarai elimizde jyl saiyn ósiriletin balyq kólemin 270 myń tonnaǵa jetkizý jáne tabiǵi sý aidyndaryndaǵy balyq qoryn 237 myń tonnaǵa deiin ulǵaitý mindeti qoiylǵan», – dedi Serik Sermuhambetov.
