قازاقستاندا بالىق تۇتىنۋ كٶلەمٸ ايتارلىقتاي ارتقان. 2025 جىلى ەلدە 106,5 مىڭ توننا بالىق ساتىلىپ, بۇل ٶتكەن جىلمەن سالىستىرعاندا 13%-عا كٶپ بولعان, دەپ حابارلايدى dalanews.kz.
بۇل تۋرالى بالىق شارۋاشىلىعى كوميتەتٸنٸڭ تٶراعاسى سەرٸك سەرمۇحامبەتوۆ مەلٸمدەدٸ. ونىڭ ايتۋىنشا, ساتىلعان ٶنٸمنٸڭ 50 مىڭ تونناعا جۋىعىن وتاندىق بالىقشىلار اۋلاعان. تاعى 23 مىڭ تونناسى بالىق ٶسٸرۋمەن اينالىساتىن شارۋاشىلىقتاردا ٶندٸرٸلگەن.
سونىمەن قاتار قازاقستان شەتەلدەن 55 مىڭ توننا بالىق يمپورتتاعان, ال ەكسپورت كٶلەمٸ 21 مىڭ توننانى قۇراعان. سەرٸك سەرمۇحامبەتوۆتىڭ سٶزٸنشە, ەلدەگٸ جان باسىنا شاققانداعى بالىق تۇتىنۋ كٶلەمٸ دە ٶسكەن.
«بٸر جىل ٸشٸندە ەربٸر قازاقستاندىقتىڭ بالىق تۇتىنۋى 4 كەلٸدەن 7 كەلٸگە دەيٸن ارتتى. دەگەنمەن دەرٸگەرلەر بٸر ادامعا جىلىنا 11 كەلٸ بالىق تۇتىنۋدى ۇسىنادى», – دەدٸ كوميتەت تٶراعاسى.
سونداي-اق ول ٷكٸمەتتٸڭ الداعى جىلدارعا ارنالعان جوسپارىن ەسكە سالدى.
«2030 جىلعا قاراي ەلٸمٸزدە جىل سايىن ٶسٸرٸلەتٸن بالىق كٶلەمٸن 270 مىڭ تونناعا جەتكٸزۋ جەنە تابيعي سۋ ايدىندارىنداعى بالىق قورىن 237 مىڭ تونناعا دەيٸن ۇلعايتۋ مٸندەتٸ قويىلعان», – دەدٸ سەرٸك سەرمۇحامبەتوۆ.
