2026 jyldyń 4 maýsymynda Máskeý qalasynda ótetin «Dáriger bilimi men tulǵasy: kúrdeli diagnozǵa jaýap» atty jastar arasyndaǵy halyqaralyq ǵylymi saiys ótedi. TMD elderiniń respiratorlyq densaýlyq salasyndaǵy mamandarynyń «TMD elderindegi respiratorlyq meditsina: áleýmettik mańyzy bar infektsiialar nazarda» atty II halyqaralyq kongresi aiasynda uiymdastyrylatyn saiysqa Qazaqstan atynan QR Ulttyq ftiziopýlmonologiia ǵylymi ortalyǵynyń jas pýlmonolog dárigeri Baqyt Qonysbaeva men N.I. Pirogov atyndaǵy Resei ulttyq zertteý meditsina ýniversiteti emdeý fakýltetiniń 6-kýrs stýdenti Rýslan Zotov qatysady, dep habarlaidy dalanews.kz.
Halyqaralyq akademiialyq ǵylymi saiys — túrli elden kelgen jas mamandar ideialaryn, ǵylymi tásilderin jáne jańa zaman meditsinasyn damytýǵa qatysty kásibi kózqarastaryn usynatyn intellektýaldy ǵylymi-tanymdyq shoý. Joba formaty pikirtalas, klinikalyq jaǵdailardy taldaý jáne ashyq kásibi dialog elementterin biriktiredi.
Joǵary deńgeidegi ǵylymi saiysqa Qazaqstanyń eki ókiliniń qatysýy – otandyq meditsinada jas mamandardyń ǵylymi jumysyn qoldaýdyń jáne jańa zamanǵy meditsina men ǵylymdy damytýdaǵy áleýetimizdiń zor ekeniniń belgisi.
Jas ǵalymdarymyzdyń saiysta jeńimpaz atanýyna daýys berý arqyly úles qosa alasyz. Daýys berý úshin @nncf_mz_rk akkaýntynyń profilindegi silteme arqyly tirkelińiz. Tolyq aqparatty www.nncf.kz resmi saitynan ala alasyz.
