Mańǵystaý oblysy Politsiia departamentiniń inspektory Nurbek Zakarin djiý-djitsýdan Aziia chempiony atandy, dep habarlaidy dalanews.kz.
Djiý-djitsýdan ótken Aziia chempionatynda Contact distsiplinasy boiynsha 77 kelige deiingi salmaq dárejesinde óner kórsetken politsiia qyzmetkeri joǵary daiyndyq deńgeiin tanytyp, altyn medal jeńip aldy.
Aita keteiik, Nurbek Zakarin - djiý-djitsýdan Qazaqstan chempiony, sport sheberi jáne qoian-qoltyq urystan da sport sheberi. Sonymen qatar, ol Qazaqstan Respýblikasy UQK kýbogynyń, Ishki ister ministrligi kýbogynyń jáne Tótenshe jaǵdailar ministrligi kýbogynyń jeńimpazy atanǵan, sondai-aq, qorjynynda armiialyq qoian-qoltyq urystan álem chempionatynyń kúmis jáne qola júldeleri bar.
B.Beisenov atyndaǵy Qazaqstan Respýblikasy IIM Qaraǵandy akademiiasynyń túlegi búginde ishki ister organdaryndaǵy qyzmetin kásibi sportpen sátti ushtastyryp keledi. Ol tártip, tabandylyq pen óz isine degen adaldyqtyń arqasynda qyzmette de, halyqaralyq sport arenasynda da joǵary nátijelerge qol jetkizýge bolatynyn dáleldep júr.
