Qazaqstan qus ósirýshiler odaǵynyń ókili Maksim Bojko World Egg Organisation (WEO) halyqaralyq uiymynyń basqarma múshesi bolyp sailandy. Ol bul qyzmetti bes jyl atqarady, dep habarlaidy dalanews.kz.
Chinovnik derekkóziniń málimetinshe, Maksim Bojko jumyrtqa óndirisi salasyndaǵy 80-nen astam eldiń ókilderin biriktiretin uiymnyń basshylyq quramyna engen alǵashqy qazaqstandyq atandy.
Sailaý Singapýrda ótken WEO jahandyq kóshbasshylar konferentsiiasy aiasynda uiymdastyryldy. Is-shara barysynda Maksim Bojko Qazaqstandaǵy qus sharýashylyǵynyń damý tájiribesin halyqaralyq qaýymdastyqqa tanystyrdy.
Qazaqstan qus ósirýshiler odaǵy WEO quramyna segiz jyl buryn qosylǵan. Odaq ókilderiniń pikirinshe, qazaqstandyq mamannyń uiym basqarmasyna sailanýy halyqaralyq salalyq yntymaqtastyqty jańa deńgeige kóterýge múmkindik beredi.
WEO-ǵa múshe bolý otandyq kásiporyndarǵa halyqaralyq standarttarmen, zamanaýi tehnologiialarmen jáne ǵylymi zertteýlermen tanysýǵa, sondai-aq álemdik naryqqa qatysty saraptamalyq málimetterge qol jetkizýge jol ashady. Budan bólek, bul qazaqstandyq ónimderdiń eksporttyq áleýetin arttyrýǵa yqpal etýi múmkin.
Maksim Bojko «Shańyraq» kompaniialar tobynyń bas direktory ári teń ieleriniń biri sanalady. Ol 2007–2014 jyldary Qazaqstannyń Tótenshe jaǵdailar ministrligin basqarǵan, keiin birqatar memlekettik qyzmet atqarǵan Vladimir Bojkonyń uly.
