Jańa jyl jaqyndaǵan saıyn keńseler men jumys oryndaryn bezendirýge degen nıet kúsheıedi. Alaıda Almaty qalasynyń Tótenshe jaǵdaılar departamenti (TJD) merekelik bezendirý kezinde qaýipsizdik talaptary saqtalmasa, aıyppul salynatynyn eskertti, dep habarlaıdy Dalanews.kz.
Qaýipsizdiktiń negizgi talaptary
Almaty qalalyq TJD málimetinshe, jańa jyldyq bezendirý birqatar talapqa saı bolýy tıis:
-
merekelik is-sharalar keminde eki evakýasıalyq shyǵý joly bar jáne janǵysh jabyndary bar ǵımarattarda ekinshi qabattan joǵary emes úı-jaılarda ótkizilýi kerek;
-
jańa jyldyq shyrsha berik negizge ornatylady, shyǵý joldaryn bógemeýi tıis;
-
shyrsha butaqtary qabyrǵalar men tóbeden keminde 1 metr qashyqtyqta ornalasýy qajet;
-
eger úı-jaıda elektr jaryǵy bolmasa, is-sharalar tek kúndizgi ýaqytta ótkiziledi;
-
jaryqtandyrý qurylǵylary elektr qondyrǵylaryn ornatý qaǵıdalaryna saı bolýy kerek. Tómendetkish transformatorsyz elektr jelisi qoldanylǵan jaǵdaıda, shyrshada tek shamdary tizbekteı jalǵanǵan, kerneýi 12 Vólttan aspaıtyn gırlándalar paıdalanylýy tıis. Shamdardyń ruqsat etilgen qýaty – 25 Vatt;
-
gırlándalarda aqaý anyqtalsa (symdardyń qyzýy, shamdardyń jypylyqtaýy, ushqyn shyǵýy), olar dereý elektr jelisinen ajyratylýy qajet;
-
merekelik is-sharalar kezinde sahnada jáne zaldarda órt qaýipsizdigine jaýapty adamdar men órtke qarsy qyzmet ókilderi kezekshilik uıymdastyrýy tıis. İs-shara ótetin úı-jaılar alǵashqy órt sóndirý quraldarymen qamtamasyz etilýi kerek.
Qaýipsizdik talaptary buzylsa ne bolady
Vedomstvo ókilderiniń aıtýynsha, órt qaýipsizdigi talaptaryn buzǵany úshin Ákimshilik quqyq buzýshylyq týraly kodekstiń 410-babyna sáıkes ákimshilik jaýapkershilik qarastyrylǵan.
Zańǵa sáıkes, aıyppul mólsheri tómendegideı:
-
jeke tulǵalarǵa – 5 AEK (19 660 teńge);
-
laýazymdy tulǵalarǵa, shaǵyn bıznes sýbektilerine jáne komersıalyq emes uıymdarǵa – 15 AEK (58 980 teńge);
-
orta bızneske – 50 AEK (196 600 teńge);
-
iri bızneske – 150 AEK (589 800 teńge).
Eger órt qaýipsizdigi talaptarynyń buzylýy órtke ákelip, materıaldyq shyǵyn keltirse nemese adamdardyń densaýlyǵyna zıan tıgizse (qylmystyq jaýapkershiliksiz):
-
jeke tulǵalarǵa – 10 AEK (39 320 teńge);
-
laýazymdy tulǵalarǵa, shaǵyn bıznes pen ÚEU-ǵa – 20 AEK (78 640 teńge);
-
orta bızneske – 200 AEK (786 400 teńge);
-
iri bızneske – 300 AEK (1 179 600 teńge).
Al eger osy talaptar bir jyl ishinde qaıta buzylsa, aıyppul kólemi arta túsedi:
-
jeke tulǵalarǵa – 10 AEK (39 320 teńge);
-
laýazymdy tulǵalarǵa, shaǵyn bıznes pen ÚEU-ǵa – 20 AEK (78 640 teńge);
-
orta bızneske – 100 AEK (393 200 teńge);
-
iri bızneske – 250 AEK (983 000 teńge).
