Jańa jyl jaqyndaǵan saiyn keńseler men jumys oryndaryn bezendirýge degen niet kúsheiedi. Alaida Almaty qalasynyń Tótenshe jaǵdailar departamenti (TJD) merekelik bezendirý kezinde qaýipsizdik talaptary saqtalmasa, aiyppul salynatynyn eskertti, dep habarlaidy Dalanews.kz.
Qaýipsizdiktiń negizgi talaptary
Almaty qalalyq TJD málimetinshe, jańa jyldyq bezendirý birqatar talapqa sai bolýy tiis:
-
merekelik is-sharalar keminde eki evakýatsiialyq shyǵý joly bar jáne janǵysh jabyndary bar ǵimarattarda ekinshi qabattan joǵary emes úi-jailarda ótkizilýi kerek;
-
jańa jyldyq shyrsha berik negizge ornatylady, shyǵý joldaryn bógemeýi tiis;
-
shyrsha butaqtary qabyrǵalar men tóbeden keminde 1 metr qashyqtyqta ornalasýy qajet;
-
eger úi-jaida elektr jaryǵy bolmasa, is-sharalar tek kúndizgi ýaqytta ótkiziledi;
-
jaryqtandyrý qurylǵylary elektr qondyrǵylaryn ornatý qaǵidalaryna sai bolýy kerek. Tómendetkish transformatorsyz elektr jelisi qoldanylǵan jaǵdaida, shyrshada tek shamdary tizbektei jalǵanǵan, kerneýi 12 Volttan aspaityn girliandalar paidalanylýy tiis. Shamdardyń ruqsat etilgen qýaty – 25 Vatt;
-
girliandalarda aqaý anyqtalsa (symdardyń qyzýy, shamdardyń jypylyqtaýy, ushqyn shyǵýy), olar dereý elektr jelisinen ajyratylýy qajet;
-
merekelik is-sharalar kezinde sahnada jáne zaldarda órt qaýipsizdigine jaýapty adamdar men órtke qarsy qyzmet ókilderi kezekshilik uiymdastyrýy tiis. Is-shara ótetin úi-jailar alǵashqy órt sóndirý quraldarymen qamtamasyz etilýi kerek.
Qaýipsizdik talaptary buzylsa ne bolady
Vedomstvo ókilderiniń aitýynsha, órt qaýipsizdigi talaptaryn buzǵany úshin Ákimshilik quqyq buzýshylyq týraly kodekstiń 410-babyna sáikes ákimshilik jaýapkershilik qarastyrylǵan.
Zańǵa sáikes, aiyppul mólsheri tómendegidei:
-
jeke tulǵalarǵa – 5 AEK (19 660 teńge);
-
laýazymdy tulǵalarǵa, shaǵyn biznes sýbektilerine jáne kommertsiialyq emes uiymdarǵa – 15 AEK (58 980 teńge);
-
orta bizneske – 50 AEK (196 600 teńge);
-
iri bizneske – 150 AEK (589 800 teńge).
Eger órt qaýipsizdigi talaptarynyń buzylýy órtke ákelip, materialdyq shyǵyn keltirse nemese adamdardyń densaýlyǵyna ziian tigizse (qylmystyq jaýapkershiliksiz):
-
jeke tulǵalarǵa – 10 AEK (39 320 teńge);
-
laýazymdy tulǵalarǵa, shaǵyn biznes pen ÚEU-ǵa – 20 AEK (78 640 teńge);
-
orta bizneske – 200 AEK (786 400 teńge);
-
iri bizneske – 300 AEK (1 179 600 teńge).
Al eger osy talaptar bir jyl ishinde qaita buzylsa, aiyppul kólemi arta túsedi:
-
jeke tulǵalarǵa – 10 AEK (39 320 teńge);
-
laýazymdy tulǵalarǵa, shaǵyn biznes pen ÚEU-ǵa – 20 AEK (78 640 teńge);
-
orta bizneske – 100 AEK (393 200 teńge);
-
iri bizneske – 250 AEK (983 000 teńge).
