Bul týraly eńbek jáne halyqty áleýmettik qorǵaý ministri Birjan Nurymbetov málimdedi, dep habarlaidy Dalanews.kz KTK telearnasynyń saityna silteme jasap.
Ministr "Eńbek" baǵdarlamasynyń birqatar tetigi jetildirilgenin atap ótti.
"Kópbalaly jáne tabysy az otbasynan shyqqan azamattarǵa jeti jylǵa deiingi merzimge jyldyq mólsherlemesi 4%-ten aspaityn jeńildetilgen mikrokreditter beriledi", - dedi Nurymbetov eńbek jáne halyqty áleýmettik qorǵaý ministrliginiń keńeitilgen alqa otyrysynda.
Sonymen qatar, endi qysqa merzimdi oqytý tórtjaqty kelisimshart jasaý arqyly tek jumys berýshilerdiń ótinimi boiynsha júrgiziledi. Budan bólek, jastardy turaqty jumysqa ornalastyrý úshin "Alǵashqy jumys orny" jáne "Urpaqtar kelisimsharty" jańa tetikteri engizilip otyr.
"Áleýmettik kásipkerlikti damytýdyń, onyń ishinde tabysy az jáne kópbalaly otbasylar arasynda damytýdyń mańyzy zor. 2019 jyly bes óńirde 204 otbasyn qamtyǵan "Meniń kásibim" jobasy bastaldy. Biyl "Jasyl ekonomika" koalitsiiasymen birlesip, ataýly áleýmettik kómek alýshylarǵa qoldaý kórsetý jobasyn iske asyrýdy josparlap otyrmyz", - dedi ol.
Ministr oblys ákimdikterinen áleýmettik kásipkerlikti damytýǵa erekshe nazar aýdarýdy surady. Nurymbetovtiń aitýynsha, "Eńbek" memlekettik baǵdarlamasynyń eńbek naryǵyna qosyp otyrǵan úlesi zor.
"Eger de baǵdarlama bolmasa, jumyssyzdyq deńgeii qazir 4,8%-ti emes, 7,9%-ti quraityn edi", - dedi vedomstvo basshysy.
