بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ مالىمدەدى، دەپ حابارلايدى Dalanews.kz كتك تەلەارناسىنىڭ سايتىنا سىلتەمە جاساپ.
مينيستر "ەڭبەك" باعدارلاماسىنىڭ ءبىرقاتار تەتىگى جەتىلدىرىلگەنىن اتاپ ءوتتى.
"كوپبالالى جانە تابىسى از وتباسىنان شىققان ازاماتتارعا جەتى جىلعا دەيىنگى مەرزىمگە جىلدىق مولشەرلەمەسى 4%-تەن اسپايتىن جەڭىلدەتىلگەن ميكروكرەديتتەر بەرىلەدى"، - دەدى نۇرىمبەتوۆ ەڭبەك جانە حالىقتى الەۋمەتتىك قورعاۋ مينيسترلىگىنىڭ كەڭەيتىلگەن القا وتىرىسىندا.
سونىمەن قاتار، ەندى قىسقا مەرزىمدى وقىتۋ ءتورتجاقتى كەلىسىمشارت جاساۋ ارقىلى تەك جۇمىس بەرۋشىلەردىڭ ءوتىنىمى بويىنشا جۇرگىزىلەدى. بۇدان بولەك، جاستاردى تۇراقتى جۇمىسقا ورنالاستىرۋ ءۇشىن "العاشقى جۇمىس ورنى" جانە "ۇرپاقتار كەلىسىمشارتى" جاڭا تەتىكتەرى ەنگىزىلىپ وتىر.
"الەۋمەتتىك كاسىپكەرلىكتى دامىتۋدىڭ، ونىڭ ىشىندە تابىسى از جانە كوپبالالى وتباسىلار اراسىندا دامىتۋدىڭ ماڭىزى زور. 2019 جىلى بەس وڭىردە 204 وتباسىن قامتىعان "مەنىڭ كاسىبىم" جوباسى باستالدى. بيىل "جاسىل ەكونوميكا" كواليسياسىمەن بىرلەسىپ، اتاۋلى الەۋمەتتىك كومەك الۋشىلارعا قولداۋ كورسەتۋ جوباسىن ىسكە اسىرۋدى جوسپارلاپ وتىرمىز"، - دەدى ول.
مينيستر وبلىس اكىمدىكتەرىنەن الەۋمەتتىك كاسىپكەرلىكتى دامىتۋعا ەرەكشە نازار اۋدارۋدى سۇرادى. نۇرىمبەتوۆتىڭ ايتۋىنشا، "ەڭبەك" مەملەكەتتىك باعدارلاماسىنىڭ ەڭبەك نارىعىنا قوسىپ وتىرعان ۇلەسى زور.
"ەگەر دە باعدارلاما بولماسا، جۇمىسسىزدىق دەڭگەيى ءقازىر 4،8%ء-تى ەمەس، 7،9%ء-تى قۇرايتىن ەدى"، - دەدى ۆەدومستۆو باسشىسى.
