Chevrolet Cobalt Qazaqstandaǵy eń tanymal avtokólik modeli retinde kóshbasshylyq ornyn taǵy bir márte rastady, dep habarlaidy Dalanews.kz.
2024 jyldyń qorytyndysy boiynsha, qazaqstandyqtar osy modeldiń 26 537 danasyn satyp aldy. Bul onyń naryqtaǵy pozitsiiasyn odan ári nyǵaita tústi.
Allur kompaniiasynyń quramyna kiretin Chevrolet Cobalt tórtinshi jyl qatarynan úzdik satylym kórsetkishin saqtap keledi. Osy ýaqyt ishinde 94 745 Chevrolet Cobalt satylyp, modeldiń turaqty suranysqa ie ekenin dáleldedi.
Ikemdiligi, senimdiligi jáne qoljetimdi baǵasynyń arqasynda Chevrolet Cobalt qazaqstandyq júrgizýshiler úshin ońtaily tańdaý bolyp otyr. Bul avtokólik Qazaqstan joldaryna jaqsy beiimdelgen, ári otbasy úshin de, jeke menshik ieleri úshin de qolaily ekeni dáleldengen.
Sarapshylar Chevrolet Cobalt-tyń yńǵaily ári qoljetimdi bolýy — Qazaqstannyń avtokólik mádenietiniń mańyzdy bóligine ainalǵanyn atap kórsetedi. Onyń tanymaldyǵy qazaqstandyqtardyń baǵa men tehnikalyq sipattamalardyń úilesimin baǵalaitynyn, sondyqtan bul model eń qalaýly tańdaý bolyp qala beretinin kórsetedi.
Chevrolet Cobalt naryqta erekshe ornyn saqtap, búkil el boiynsha milliondaǵan júrgizýshi úshin mańyzdylyǵyn dáleldeýde.
