Chevrolet Cobalt قازاقستانداعى ەڭ تانىمال اۆتوكولىك مودەلى رەتىندە كوشباسشىلىق ورنىن تاعى ءبىر مارتە راستادى، دەپ حابارلايدى Dalanews.kz.

2024 جىلدىڭ قورىتىندىسى بويىنشا، قازاقستاندىقتار وسى مودەلدىڭ 26 537 داناسىن ساتىپ الدى. بۇل ونىڭ نارىقتاعى پوزيسياسىن ودان ءارى نىعايتا ءتۇستى.

Allur كومپانياسىنىڭ قۇرامىنا كىرەتىن Chevrolet Cobalt ءتورتىنشى جىل قاتارىنان ۇزدىك ساتىلىم كورسەتكىشىن ساقتاپ كەلەدى. وسى ۋاقىت ىشىندە 94 745 Chevrolet Cobalt ساتىلىپ، مودەلدىڭ تۇراقتى سۇرانىسقا يە ەكەنىن دالەلدەدى.

يكەمدىلىگى، سەنىمدىلىگى جانە قولجەتىمدى باعاسىنىڭ ارقاسىندا Chevrolet Cobalt قازاقستاندىق جۇرگىزۋشىلەر ءۇشىن وڭتايلى تاڭداۋ بولىپ وتىر. بۇل اۆتوكولىك قازاقستان جولدارىنا جاقسى بەيىمدەلگەن، ءارى وتباسى ءۇشىن دە، جەكە مەنشىك يەلەرى ءۇشىن دە قولايلى ەكەنى دالەلدەنگەن.

ساراپشىلار Chevrolet Cobalt-تىڭ ىڭعايلى ءارى قولجەتىمدى بولۋى — قازاقستاننىڭ اۆتوكولىك مادەنيەتىنىڭ ماڭىزدى بولىگىنە اينالعانىن اتاپ كورسەتەدى. ونىڭ تانىمالدىعى قازاقستاندىقتاردىڭ باعا مەن تەحنيكالىق سيپاتتامالاردىڭ ۇيلەسىمىن باعالايتىنىن، سوندىقتان بۇل مودەل ەڭ قالاۋلى تاڭداۋ بولىپ قالا بەرەتىنىن كورسەتەدى.

Chevrolet Cobalt نارىقتا ەرەكشە ورنىن ساقتاپ، بۇكىل ەل بويىنشا ميلليونداعان جۇرگىزۋشى ءۇشىن ماڭىزدىلىعىن دالەلدەۋدە.