Májilis Spikeri, «AMANAT» Tóraǵasy Erlan Qoshanov búgin partiianyń Respýblikalyq qoǵamdyq qabyldaý alańynda azamattardy qabyldady. Azamattar partiia Tóraǵasyna erekshe qajettiligi bar balalardy qoldaý, meditsinalyq pýnktter salý jáne zańnamaǵa túzetýler engizý syndy birqatar máselemen júgindi.
Astana qalasynyń turǵyny, eki balanyń anasy Marken Nurlanova erekshe qajettiligi bar balalarǵa arnalǵan qyzmetterdi jetildirý máselesin qozǵady. Onyń aitýynsha, arnaiy balabaqshalardyń qyzmet aqysy aiyna 250 myń teńgeden 800 myń teńgege deiin ózgerip otyrady.
Balalarǵa arnalǵan jeke inkliýzivti infraqurylym baǵasy óte qymbat. Salada bilikti mamandar tapshy, erekshe balalarǵa arnalǵan damytý ortalyqtarynda litsenziia joq, naryqta tiimdiligi dáleldenbegen qosymsha damytý qyzmetteri kórsetiledi. Sonymen qatar, diagnostikalyq protsedýralar kezegi úsh aiǵa sozylady, al Densaýlyq saqtaý ministrligi nemese Oqý-aǵartý ministrligi tarapynan baqylaý júrgizilmeidi, – dedi ol.
Erlan Qoshanov erekshe qajettiligi bar balalardy jan-jaqty qoldaý máselesine «AMANAT» partiiasy árdaiym jiti nazar aýdaratynyn atap ótti.
Máselen, byltyr partiianyń «Halyqpen birge!» sailaýaldy baǵdarlamasyn júzege asyrý aiasynda 8 erte aralasý ortalyǵy ashyldy. Bul ortalyqtarda damýy kesheýildegen nemese onyń paida bolý qaýpi bar jas balalarǵa tiisti kómek kórsetý kózdeledi.
Sondai-aq mektep qabyrǵalarynda 61 inkliýziia synyby ashyldy. Partiia Tóraǵasy Marken Nurlanovanyń syn-eskertpesi partiianyń erekshe balalarǵa barynsha qolaily jaǵdai jasaý baǵytynda jasap jatqan jumysynda, zań shyǵarý isinde jáne ózge de qyzmetinde eskeriletinin aitty.
Ekibastuz qalasynyń qurmetti azamaty, jýrnalist Jumaǵali Qoǵabai akademik Qanysh Sátbaev týraly estelikter jinaǵyn shyǵarýdy usyndy. Geolog-ǵalymnyń týǵanyna biyl 125 jyl tolyp otyr. Mereitoi Prezident tapsyrmasyna sáikes atap ótiledi. Jýrnalist bul taqyrypty burynnan beri zerttep-zerdelep júr. Onyń jeke muraǵatynda áigili ǵalym týraly buryn-sońdy jariialanbaǵan málimetter de saqtaýly tur.
«Memleket basshysy Qasym-Jomart Toqaev «Egemen Qazaqstan» gazetine bergen suhbatynda el tarihynda erekshe orny bar tulǵalarǵa qurmet kórsetý dəstúri halqymyzdyń jalpyulttyq biregeiligin nyǵaitatynyn atap ótti. Sondyqtan partiia kórnekti ǵalym, qoǵam qairatkeri Qanysh Sátbaevtyń ómir jolyndaǵy beimálim tustaryn jan-jaqty ashyp kórsetetin jinaqty shyǵarýǵa qoldaý kórsetip, «Kitap-AMANAT» partiialyq jobasynyń el aýmaǵyndaǵy kitap ortalyqtarynda jinaqtyń tusaýkeserin ótkizedi», – dedi Erlan Qoshanov.
Aqtóbe turǵyny Rýslan Qazybaev sport sektsiialarynda erekshe bilim berý qajettilikteri bar balalarǵa arnalǵan vaýcherler men jeke kezek engizýdi usyndy. Pavlodar oblysy Shilikti aýylynyń turǵyny Amanjol Rahymjanov meditsinalyq pýnkt salyp berýdi ótindi. 
Erlan Qoshanov qaralǵan barlyq ótinish boiynsha partiia filialdaryna naqty tapsyrma berip, onyń sheshimin qadaǵalaýdy jeke baqylaýyna aldy.
«AMANAT» partiiasynyń baspasóz qyzmeti
Sýretti túsirgen: Jaslan Jumabekov
