Qazaqstan azamattarynyń naqty jalaqysynyń ósimi ekonomikalyq ósimnen áldeqaida artta qalýda. Buǵan Halyk Finance Taldaý ortalyǵy jariialaǵan zertteýde basa mán beriledi, dep habarlaidy Dalanews.kz.
Oǵan sáikes, III-toqsannyń sońynda elimizdegi ortasha jalaqy kólemi 390 myń teńgeni qurap, osy kezeńde JIÓ-niń 4%-ǵa ósken jaǵdaiynda bir jylda 2,7%-ǵa ósken.
"Jalaqy telekommýnikatsiia, qarjy jáne aýyl sharýashylyǵynda jyldam ósken, al kerisinshe qurylys, densaýlyq saqtaý, memlekettik jáne ákimshilik qyzmetterdegi qyzmetkerlerdiń jalaqysy tómendegenniń ústinde tómendeýde", dep keltiredi Halyk Finance sarapshysy Mádina Qabjalalova.
III-toqsannyń qorytyndysy boiynsha, jalaqynyń eń joǵary ósimi myna salalarda tirkeldi:
- telekommýnikatsiiada (18,2%),
- qarjy sektorynda (14,7%)
- aýyl sharýashylyǵynda (10,6%).
Alaida, sarapshy aýylsharýashylyǵy salasyndaǵy jalaqy el ekonomikasyndaǵy eń tómenginiń biri ekenin basa kórsetedi: 284 myń teńge.
Eń joǵary tabys uzaq ýaqyt boiy:
- qarjy (831 myń teńge),
- taý-ken óndirý ónerkásibi (854 myń teńge)
- telekommýnikatsiia (673 myń teńge) salalarynda saqtalyp otyr.
Sonymen qatar, tabysy joǵary osy úsh sektorda jumyspen qamtylǵan halyqtyń nebári 9%-y jumys isteidi, al densaýlyq saqtaý, bilim berý jáne memlekettik basqarýda jumyspen qamtylǵandar úlesi jalpy kórsetkishtiń 50%-dan astamy jáne olardyń jalaqysy ortashadan tómen. Sonymen qatar, densaýlyq saqtaý jáne memlekettik basqarý salasynda jalaqy naqty mánde tómendeýdi jalǵastyrdy (tiisinshe -0,4% jáne -2,3%), al bilim berý salasynda alǵashqy eki toqsan qatarynan tómendegennen keiin azdap ósti (1,4%).
"Naqty tabystyń tómendeýiniń bul úrdisi 2023 jyldan bastap úkimet úlesi basym sektorlarda paida bolǵany buǵan deiin aitylǵan. 2019-2022 jyldar aralyǵynda bilim berý, densaýlyq saqtaý jáne memlekettik basqarýdaǵy jalaqy jii eki tańbaly qarqynmen ósti. Ótken jyldardaǵy belsendi saiasattan keiin yntalandyrýdyń toqtatylýy dinamikanyń jyldam ózgerýine ákelip soqty. Biyl infliatsiianyń aitarlyqtai tómendegenine qaramastan, jalaqynyń óskenimen ol áli de 2024 jyldyń 9 aiynda 4%-dy quraǵan ekonomikalyq ósimnen artta qalýda, al tarihi turǵyda qyzmetkerlerdiń jalaqysynyń ósimi ekonomikalyq ósim qarqynynan aitarlyqtai kóp bolyp keldi", - deidi sarapshy.
Buǵan deiin 2024 jyldyń qazan aiynda Eńbek naryǵynda tirkelgen eń joǵary jalaqy týraly jazǵan bolatynbyz.
