Qazaqstan Respýblikasy Ishki ister ministrliginiń resmi internet-resýrsy habarlaǵandai, qazaqstandyqtardyń jeke deregin satty degen kúdikpen 140-tan astam adam ustaldy, dep habarlaidy Dalanews.kz
IIM Kiberqylmysqa qarsy kúres departamentiniń bastyǵy Jandos Súiinbaidyń aitýynsha, bul ispen bailanysty tulǵalardyń tolyq tizimin anyqtaý jumystary jalǵasyp jatyr.
IIM-niń Kiberqylmysqa qarsy kúres departamenti Ulttyq qaýipsizdik komitetimen birlesip, internet keńistiginde qazaqstandyqtardyń jeke málimetterin zańsyz satqan qylmystyq toptyń qyzmetin áshkerelep, toqtatty.
"Aqparat memlekettik málimetter bazalarynan zańsyz alynǵan. Olar Telegram-arnalar arqyly taratylyp, keibir kollektorlyq kompaniialarǵa da berilgen. Atalǵan iske bailanysty 140-tan astam adam ustaldy, olardyń qatarynda kompaniia ieleri men Telegram-arnalardyń ákimgerleri bar. Qazirgi tańda bes kúdikti qamaýǵa alyndy. Kollektorlyq uiymdarǵa júrgizilgen tintý barysynda 400-den astam kompiýter men ózge de elektrondy tehnika tárkilendi", – dedi Súiinbai.
Atalǵan fakti boiynsha Qylmystyq kodekstiń 205-babynyń 3-bóligi (aqparatqa zańsyz qol jetkizý), 147-babynyń 5-bóligi (jeke ómirge qol suǵylmaýshylyqty jáne jeke derekter týraly zańnamany buzý), sondai-aq 211-babynyń 3-bóligi (shekteýli qoljetimdiligi bar elektrondyq resýrstardy zańsyz taratý) boiynsha qylmystyq ister qozǵaldy.
