Premer-ministr Oljas Bektenov azamattardyń jeke málimetteriniń taralýyna qatysty tergeý júrip jatqanyn málimdedi. Bul týraly ol Úkimet otyrysynan keiingi brifingte aitty, dep habarlaidy Dalanews.kz.
"Erteń-aq alaiaqtardyń qońyraýy toqtaidy dep kesip aita almaimyn. Biraq búginde 67 million qońyraý buǵattalyp, azamattarmen bailanysý múmkindigi bolmady", – dedi Úkimet basshysy.
Bektenov 2022 jyly taraǵan derekterdiń shynaiylyǵyn rastady. Onyń aitýynsha, qazirgi tańda quqyq qorǵaý organdary bul máselege bailanysty qylmystyq is qozǵap, tergeý jumystaryn júrgizip jatyr.
"Aldyn ala málimet boiynsha, jeke derekter meditsinalyq uiymdar arqyly tarap ketken bolýy múmkin. Olar memlekettik derekqorǵa qol jetkizip, ony tiisinshe qorǵai almaǵan", – dedi premer-ministr.
Onyń málimdeýinshe, mundai jaǵdaidyń qaitalanbaýy úshin zańnamalyq jáne shuǵyl sharalar qabyldanady. Sonymen qatar, memlekettik derekqorlarmen jumys isteitin mekemelerge qoiylatyn talaptar da kúsheitiledi.
"Qazirgi kezde naqty qorytyndy joq. Alaida tergeý aiaqtalǵan soń kináli tulǵalar anyqtalyp, mindetti túrde qylmystyq jaýapkershilikke tartylady", – dep sendirdi Bektenov.
