پرەمەر-مينيستر ولجاس بەكتەنوۆ ازاماتتاردىڭ جەكە مەلٸمەتتەرٸنٸڭ تارالۋىنا قاتىستى تەرگەۋ جٷرٸپ جاتقانىن مەلٸمدەدٸ. بۇل تۋرالى ول ٷكٸمەت وتىرىسىنان كەيٸنگٸ بريفينگتە ايتتى, دەپ حابارلايدى Dalanews.kz.
"ەرتەڭ-اق الاياقتاردىڭ قوڭىراۋى توقتايدى دەپ كەسٸپ ايتا المايمىن. بٸراق بٷگٸندە 67 ميلليون قوڭىراۋ بۇعاتتالىپ, ازاماتتارمەن بايلانىسۋ مٷمكٸندٸگٸ بولمادى", – دەدٸ ٷكٸمەت باسشىسى.
بەكتەنوۆ 2022 جىلى تاراعان دەرەكتەردٸڭ شىنايىلىعىن راستادى. ونىڭ ايتۋىنشا, قازٸرگٸ تاڭدا قۇقىق قورعاۋ ورگاندارى بۇل مەسەلەگە بايلانىستى قىلمىستىق ٸس قوزعاپ, تەرگەۋ جۇمىستارىن جٷرگٸزٸپ جاتىر.
"الدىن الا مەلٸمەت بويىنشا, جەكە دەرەكتەر مەديتسينالىق ۇيىمدار ارقىلى تاراپ كەتكەن بولۋى مٷمكٸن. ولار مەملەكەتتٸك دەرەكقورعا قول جەتكٸزٸپ, ونى تيٸسٸنشە قورعاي الماعان", – دەدٸ پرەمەر-مينيستر.
ونىڭ مەلٸمدەۋٸنشە, مۇنداي جاعدايدىڭ قايتالانباۋى ٷشٸن زاڭنامالىق جەنە شۇعىل شارالار قابىلدانادى. سونىمەن قاتار, مەملەكەتتٸك دەرەكقورلارمەن جۇمىس ٸستەيتٸن مەكەمەلەرگە قويىلاتىن تالاپتار دا كٷشەيتٸلەدٸ.
"قازٸرگٸ كەزدە ناقتى قورىتىندى جوق. الايدا تەرگەۋ اياقتالعان سوڭ كٸنەلٸ تۇلعالار انىقتالىپ, مٸندەتتٸ تٷردە قىلمىستىق جاۋاپكەرشٸلٸككە تارتىلادى", – دەپ سەندٸردٸ بەكتەنوۆ.
