Qazaqstandyqtar Seishel araldaryna vizasyz barady
SIM málimetinshe, M.Nurtileý Qazaqstannyń Afrika elderimen yntymaqtastyǵynyń ósip kele jatqan mańyzdylyǵyn atap ótti. Ol ekijaqty negizde jáne kópjaqty birlestikter sheńberinde ózara qyzyǵýshylyq týdyratyn salalarda qazaq-seishel yntymaqtastyǵyn damytýǵa birlesken kúsh-jiger jumsaýǵa daiyn ekenin rastady.
“Kelissózder qorytyndysy boiynsha ministrler Qazaqstan Respýblikasynyń Úkimeti men Seishel Respýblikasynyń Úkimeti arasyndaǵy vizalyq talaptardan ózara bosatý týraly kelisimge qol qoidy. Ol árbir jarty jylda 30 kúntizbelik kúnge deiin kirý kezinde pasporttardyń barlyq túrleri úshin vizalyq talaptardyń kúshin joiýdy kózdeidi”, – delingen vedomstvo málimdemesinde.
Atalǵan Kelisim kúshine enýi úshin qajetti memleketishilik rásimderdiń aiaqtalǵany týraly taraptardyń sońǵy jazbasha habarlamasyn diplomatiialyq arnalar arqyly alǵan kúninen keiin 30 kún ótken soń kúshine enedi.
